STV
რეკლამა

სენაკის მერიაში შინმოვლის სერვისის განვითარებისა და დანერგვის შესაძლებლობებზე იმსჯელეს

სენაკის მუნიციპალიტის მერი ლევან კუპრეიშვილი, მერის პირველი მოადგილე გრიგოლ ბაღათურია და ჯანმრთელობისა და სოციალური დაცვის სამსახურის უფროსი ნატო ხუბუა შეხვდნენ კოალიაციის ,,შინმოვლა საქართველოში’’ აღმასრულებელ დირექტორს უჩა ვახანიას და მედიაკონსულტანტს გიორგი ხუხიას.

შეხვედრაზე იმსჯელეს სენაკის მუნიციპალიტეტში, საერთაშორისო დონორების მხარდაჭერით, შინმოვლის სერვისის განვითარებისა და დანერგვის შესაძლებლობებზე.

განსახორციელებელი პროგრამა ითვალისწინებს საწოლს, ან სახლს მიჯაჭვული ადამიანების შინმოვლის მომსახურეობის დაფინანსებას, რაც გულისხმობს პაციენტთა ჯანმრთელობაზე ზრუნვას, მათი დამოუკიდებლობის და დაკარგული უნარ-ჩვევების აღდგენას, ასევე, ფსიქო-სოციალურ დახმარებას.

კოალიცია დაფუძნებულია ადგილობრივი არასამთავრობო ორგანიზაციების მიერ და უკვე 10 წელზე მეტია ახორციელებს შინმოვლასთან დაკავშირებულ პროექტებს საერთაშორისო დონორი ორგანიზაციების მხარდაჭერით. მისი მიზანია, საქართველოში შინმოვლის სერვისის განვითარებისა და დანერგვის გზით, უნარშეზღუდული, მოწყვლადი მოსახლეობის სიცოცხლის ხარისხის გაუმჯობესება.

ამ ეტაპისთვის, ევროკავშირის ფინანსური მხარდაჭერით, კოალიციას სურს სენაკის მუნიციპალიტეტში შინმოვლის პროგრამის, ან დღის ცენტრის ჩამოყალიბება ხანდაზმულებისთვის.

Related posts

მსახიობ მურმან ჯინორიას კოტე მახარაძის სახელობის ჯილდო მიენიჭა

რედაქტორი

კლინიკა “სენოვომ” ზუგდიდში ბავშვებისთვის აქცია გამართა

რედაქტორი

სოფელ ეწერში საავტომობილო გზის 6.2 კილომეტიანი მონაკვეთის სრული რეაბილიტაცია მიმდინარეობს

რედაქტორი

დატოვე კომენტარი