STV
სამართალი

“ლიბერთი ბანკის” ინკასატორების დაყაჩაღებაში ბრალდებულებს ბრალი წარედგინათ

სამეგრელო-ზემო სვანეთის სამხარეო პოლიციაში ზუგდიდში “ლიბერთი ბანკის” ინკასატორების დაყაჩაღებაში ბრალდებულებს ბრალი ოფიციალურად წარედგინათ.სამეგრელი-ზემო სვანეთის საოლქო პროკურატურამ 1980 წელს დაბადებულ გ.ჯ. და 1964 წელს დაბადებულ ო.ხ.ს ბრალი სსსკ 179-ე 143-ე, 236-ე, 237-ე და 118 მუხლებით წარუდგინა, რაც ორგანიზებული დაჯგუფების მიერ ჩადენილი ყაჩაღობის, თავისუფლების უკანონო აღკვეთის, ცეცხლსასროლი იარაღის მართლსაწინააღმდეგო შეძენა-შენახვა და დაუფლების, ასევე ჯანმთელობის განზრახ დაზიანების ფაქტებს გულისხმობს. ბრალდებულების ადვოკატებს მედიასთან კომენტარი არ გაუკეთებიათ.

ცნობისთვის, შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის და ზუგდიდის რაიონული სამმართველოს თანამშრომლებმა ერთობლივად გატარებული კომპლექსური ოპერატიულ-საგამოძიებო მოქმედებების შედეგად, ზუგდიდში “ლიბერთი ბანკის” ინკასატორების დაყაჩაღების ფაქტი გახსნა.

პოლიციამ ორგანიზებული დანაშაულებრივი ჯგუფის წევრები: 1980 წელს დაბადებული გ.ჯ. და 1964 წელს დაბადებული ო.ხ. ბრალდებულის სახით ზუგდიდში დააკავა. დანაშაული 11-დან 15 წლამდე ვადით თავისუფლების აღკვეთას ითვალისწინებს. პოლიციის მიერ გატარებული ოპერატიულ-საგამოძიებო და სამძებრო ღონისძიებების შედეგად დადგინდა, რომ ბრალდებულებმა წინასწარი შეთანხმებით ჯგუფურად, დიდი ოდენობით მატერიალური სარგებელის მიღების მიზნით რამდენიმე ყაჩაღური თავდასხმა დაგეგმეს.

მიმდინარე წლის 2 მარტს, დილის საათებში ზუგდიდში მდებარე “ლიბერთი ბანკის” ფილიალთან ბრალდებულები ბანკის საინკასაციო მანქანას თავს დაესხნენ, ცეცხლსასროლი იარაღიდან გასროლით ჯანმრთელობის დაზიანება მიაყენეს ბანკის ერთ-ერთ ინკასატორს. გ.ჯ.-მ და ო.ხ.-მ საინკისაციოდ გამზადებულ ბანკის ფული, ინკასატორების კუთვნილი ცეცხლსასროლი იარაღები გაიტაცეს და შემთხვევის ადგილიდან მსუბუქი ავტომობილით მიიმალნენ.

გამოძიებით ასევე დადგინდა, რომ ბრალდებულებმა ინკასაციის სამსახურის თანამშრომლების დაყაჩაღებამდე რამდენიმე საათით ადრე ზუგდიდში, სოფელ ონარიაში ელექტროსადგურის დარაჯებს ავტომატური ცეცხლსასროლი იარაღის მუქარით კუთვნილი ავტომობილი და ნივთები გასტაცეს. მოგვიანებით, აღნიშნული მსუბუქი ავტომობილით მათ ბანკის ინკასატორებზე ყაჩაღური თავდასხმა და დიდი ოდენობით ფულის გატაცება შეძლეს.

დანაშაულის ჩადენიდან რამდენიმე საათში, ცხელ კვალზე გატარებული ოპერატიულ-სამძებრო ღონისძიებების შედეგად, პოლიციამ გატაცებულ ავტომობილს ერთ-ერთ სოფელში მიტოვებულ მდგომარეობაში მიაკვლია. სამართალდამცველებმა ორგანიზებული დანაშაულებრივი დაჯგუფების წევრები 6 მარტს, ზუგდიდში დააკავეს. პოლიციამ გატაცებული ფული, დანაშაულის ჩადენის იარაღი ორი ცალი “კალაშნიკოვი”-ს სისტემის ცეცხლსასროლი იარაღი, ინკასატორებისგან გატაცებული “გირსანის” ტიპის პისტოლეტები, ნიღბები, დარაჯის კუთვნილი ავტომობილი ნივთმტკიცების სახით ამოიღო.

დაკავებულები ჩადენილ დანაშაულს აღიარებენ. აღკვეთ ღონისძიებაზე ზუგდიდის რაიონული სასამართლო სავარაუდოდ ხვალ იმსჯელებს.

Related posts

ანტიკორუფციულმა სააგენტომ სამეგრელო-ზემო სვანეთის ყოფილი გუბერნატორი სისხლის სამართლის პასუხისგებაში მისცა

რედაქტორი

ზუგდიდის საარჩევნო კომისიის მეოცე უბნის თავმჯდომარემ ყოფილ პროკურორს უჩივლა

რედაქტორი

სასამართლომ ენმ-ს ერთ-ერთი წევრი მანუჩარ ჩხეტია პატიმრობიდან გაათავისუფლა

რედაქტორი

დატოვე კომენტარი