STV
რეგიონი

ჭუბერში ნაპირსამაგრის აღდგენითი სამუშაოები მიმდინარეობს

ჭუბერში წყალდიდობის შედეგად დაზიანებული ნაპირსამაგრის აღდგენითი სამუშოები დილიდან განახლდა. ადგილზე მობილიზებული მძიმე ტექნიკა მდინარის კალაპოტს წყალდიდობის დროს ჩამოტანილი მასალისგან წმენდს. ადგილზე იმყოფება სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი, მისი განცხადებით:

რომ არა გასულ წელს, ჭუბერში მომხდარი სტიქიის შემდეგ, ჩატარებული აღდგენითი, სტიქიის საპრევენციო და კალაპოტის მოწყობის ღონისძიებები დღეს რთული შედეგი გვექნებოდა, რადგან ხეობაში მოსული უხვი ნალექი შარშანდელზე ნაკლები არ იყო.

ამ დროისთვის ადგილზე ვითარება სტაბილურია, წუხელ ხეობაში არ უწვიმია, წყლის დონემ იკლო, მდინარე კალაპოტში მიედინება.

მიუხედავად იმისა, რომ ორი დღის წინ მდინარე ნენსკრაზე დაფიქსირდა დიდი რაოდენობის ნალექი, ყველა ნაპირსამაგრმა და სტიქიის საპრევენციო ნაგებობამ თავისი ფუნქცია შეასრულა, მოხდა მხოლოდ რამდენიმე უმნიშვნელო დაზიანება, რასაც მოსახლეობისა და მიმდებარე ინფრასტრუქტურისთვის საფრთხე არ შეუქმნია.

შეგახსენებთ, რომ უხვი ნალექების შედეგად, ნენსკრას ხეობაში არსებული შენაკადი მდინარე დევრა ადიდდა, რამაც მდინარე ნენსკრას ადიდება გამოიწვია.

Related posts

წალენჯიხაში ახალი საბავშვო ბაღის მშენებლობა ინტენსიურად მიმდინარეობს

რედაქტორი

შინმოვლის პროგრამა ,,მზრუნველი მობილური ჯგუფი“- ზუგდიდში 100-ზე მეტი ბენეფიციარია ჩართული

რედაქტორი

ზუგდიდში ზვიად გამსახურდიას საიუბილეო საღამო გაიმართა [ვიდეო]

რედაქტორი

დატოვე კომენტარი