STV
რეგიონი

ინწრას ხეობაში ბილიკები და უსაფრთხოების ჯებირები მოეწყო

სამეგრელო-ზემო სვანეთის სახელმწიფო რწმუნებულის ალექსანდრე მოწერელიას ინიციატივით, წალენჯიხის მუნიციპალიტეტში ინწრას ჩანჩქერამდე მისასვლელი ბილიკები და უსაფრთხოების ჯებირები მოეწყო. გაიწმინდა საფეხმავლო გზა და მოხდა მისი გაფართოება.

ხეობაში ტურისტებისთვის უსაფრთხო გარემოს მოწყობის სამუშაოებში ალექსანდრე მოწერელიასთან ერთად სახელმწიფო რწმუნებულის ადმინისტრაციის, წალენჯიხის და ზუგდიდის ადგილობრივი თვითმმართველობების წარმომადგენლები მონაწილეობდნენ.

ალექსანდრე მოწერელიამ ინწრას ხეობა გასულ თვეს დაათვალიერა, რა დროსაც ტურისტული ობიექტზე უსაფრთხოების ჯებირების და ბილიკების მოწესრიგება დაგეგმა. სახელმწიფო რწმუნებული ბიზნეს სექტორს მიმართავს სამეგრელოში არსებული უნიკალური ტურისტული ობიექტების განვითარებაში ინვესტიციები ჩადონ.

სოფელ ჩქვალერში, ინწრას ხეობამდე მისასვლელი გზის რეაბილიტაციაც მიმდინარეობს, რაც ტურისტების ხეობამდე მისვლას უფრო კომფორტულს გახდის.

ინწრას ხეობაში 32 მეტრიანი ჩანჩქერი, მღვიმე და კანიონია. ჩანჩქერი და კანიონი ჩაფლულია ხავსებისა და საუკუნოვანი ხეების წალკოტში, რომელიც საოცარ სანახაობას ქმნის.

Related posts

სოფლების, უშაფათისა და ეკის დამაკავშირებელი კაპიტალური ხიდის აღდგენითი სამუშაოები მიმდინარეობს

რედაქტორი

წალენჯიხაში ფაშიზმზე გამარჯვების დღე ომის ვეტერანს, 93 წლის ვარვარა ბონდარენკოს მიულოცეს

რედაქტორი

სამეგრელოს გუბერნატორმა ოკუპანტების მიერ გათავისუფლებული გიგლა მიქავა მოინახულა

რედაქტორი

დატოვე კომენტარი