რეგიონი

აბაშაში UNDP-სთან თანამშრომლობით აგრობაზარი გაიხსნა

აბაშის მუნიციპალიტეტში სოფელ ქოლობანში აგრობაზარი გაიხსნა. ახალი ინფრასტრუქტურა ადგილობრივებს და მცირე მეწარმეებს ხელს შეუწყობს სოფლის მეურნეობის პროდუქცია კომფორტულ გარემოში გაყიდონ.

პროექტი რეგიონული განვითარებისა და ინფრასტრუქტურის სამინისტროს, გაეროს განვითარების პროგრამის და აბაშის მუნიციპალიტეტის თანამშრომლობით განხორციელდა. დასრულებული სამუშაოები რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა, სახელმწიფო რწმუნებულის პირველმა მოადგილემ ნინო ვიბლიანმა, გაეროს განვითარების პროგრამის  ხელმძღვანელმა ანა ჩენრიშოვამ და აბაშის მერმა ლევან მაკალათიამ დაათვალიერეს.

გაერო-ს განვითარების პროგრამის ფარგლებში რეგიონში ექვსი პროექტი დაფინანსდა: აქედან აბაშის აგრობაზრის მსგავსად, უკვე დასრულებულია მარტვილის აგრობაზრის,  სენაკის თოკების პარკის, ზუგდიდში ეთნო ცენტრის  და ფოთში მარტოწყალას ტბაზე სპორტული თევზჭერის ინფრასტრუქტურის მოწყობა, მესტიაში კი ეწყობა კლდეზე ცოცვის ატრაქცია.

გარდა მუნიციპალიტეტების 6 ინიციატივის დაფინანსებისა გაეროს განვითარების პროგრამის დახმარებით,  მცირე საგრანტო კომპონენტის ფარგლებში დაფინანსდა 3 ადგილობრივი არასამთავრობო ორგანიზაცია.

ჯამში კი სამეგრელო-ზემო სვანეთის რეგიონში, გასულ წელს  პროექტების დაფინანსებისთვის გამოიყო  836 ათას ლარზე მეტი. გაეროს განვითარების პროგრამა (UNDP)  პროექტებს,  საქართველოს რეგიონული განვითარებისა და ინფრასტრუქტურის სამინისტროსთან და ადგილობრივ თვითმმართველობებთან ერთად ახორციელებს.

Related posts

ზუგდიდის “კეთილმოწყობის მართვის ცენტრის” დირექტორმა თანამდებობა დატოვა

რედაქტორი

ჩხოროწყუში დაზარალებულ ოჯახებს სახლის სახურავები გადასცეს

რედაქტორი

კომპანია, რომელიც სოფელ ინჩხურში ხიდის აღდგენაზე მუშაობდა, გაიქცა

რედაქტორი

დატოვე კომენტარი