STV
რეგიონი

ევროკავშირის სადამკვირვებლო მისიის ხელმძღვანელი მალხაზ თორიას შეხვდა

  • საქართველოში ევროკავშირის სადამკვირვებლო მისიის ხელმძღვანელი მარეკ შჩიგელი, სამეგრელო-ზემო სვანეთის სახელმწიფო რწმუნებულის პირველ მოადგილეს მალხაზ თორიას შეხვდა. შეხვედრაზე პანდემიასთან ბრძოლის და კოვიდ19-ის გავრცელების წინააღმდეგ მიმართულ ღონისძიებებზე ისაუბრეს.

მალხაზ თორია მარეკ შჩიგელს გამყოფ ხაზთან მდებარე სოფლებსა და ოკუპირებულ აფხაზეთში არსებულ ვითარებაზე ესაუბრა, ასევე შეეხო რეგიონის ტურისტულ პოტენციალს, სოციალურ-ეკონომიკურ საკითხებს და მიმდინარე მსხვილ, მნიშვნელოვან ინფრასტრუქტურულ პროექტებს.

სახელმწიფო რწმუნებულის მოადგილესთან გამართულ გაცნობითი ხასიათის შეხვედრას მარეკ შჩიგელთან ერთად მისიის წარმომადგენლები ესწრებოდნენ. საქართველოში ევროკავშირის სადამკვირვებლო მისიას ელჩი მარეკ შჩიგელი 2020 წლის მარტიდან ხელმძღვანელობს.

Related posts

ფოთში, კუნძულის უბნის სანაპირო ზოლის პროექტის საჯარო განხილვა გაიმართა

რედაქტორი

სენაკის საჯარო სკოლებში რეაბილიტაციის პროცესი მიმდინარეობს

რედაქტორი

წალენჯიხის საკათედრო ტაძარში მეოუფე გერასიმემ სააღდგომო წირვა-ლოცვა აღავლინა

რედაქტორი

დატოვე კომენტარი