ექსკლუზივი

ექსკლუზივი: ზუგდიდის ცენტრში ახალგაზრდა მამაკაცი დაჭრეს

რამდენიმე წუთის წინ ინციდენტი მოხდა ქალაქის ცენტრში, ზუგდიდის მეორე საჯარო სკოლასთან ახლოს, სერგო დადვანის ქუჩაზე. მოქალაქე ი.მ-ს მტკიცებით ჯერჯერობით დაუდგენელმა პირმა მას ცეცხლსასროლი იარაღიდან ესროლა და ფეხის არეში დაჭრა.

გავრცელებული ინფორმაციის თანახმად, ი. მ სასიმამრომ დაჭრა, თუმცა მოტივი ჯერჯერობით უცნობია.

ი.მ ამ წუთებში ზუგდიდის რეფერალურ საავადმყოფოშია გადაყვანილი. შემთხვევის ადგილზე პოლიციის ტანამშრომლები იმყოფებიან.

“შემოყვანილ იქნა ახალგაზრდა მამაკაცი, სავარაუდოდ ცეცხლსასროლი იარაღით მიყენებული ჭრილობით ბარძაყის ლატერალურ ზედაპირზე. მდგომარეობა სტაბილურია, უტარდება კვლევები და შესაბამისი მკურნალობა”, – აცხადებს ზუგდიდის რეფერალური ჰოსპიტალის კლინიკური დირექტორი სულხან ორჟონია.

შს სამინისტრომ გამოძიება 118-ე და 236-ე მუხლებით დაიწყო, რაც ჯანმრთელობის განზრახ დაზიანების და იარაღის მართლსაწინააღმდეგო ტარებას გულისხმობს.

Related posts

პირი, რომელიც მეუფე პეტრეს მიწების უკანონოდ გადაფორმებაში ეხმარებოდა – მარტვილის მერიაში ინიშნება

რედაქტორი

არარსებული უნივერსიტეტის და გაყალბებული დიპლომის მფლობელი თვითმარქვია ექიმია – რას წარმოადგენს ლანა ლაცუზბაიას დიპლომი?!

რედაქტორი

დავით ფარცვანია განათლების სამინისტროს მაღალ თანამდებობაზე დაინიშნა

რედაქტორი

დატოვე კომენტარი