ახალი ამბები რეგიონი

ზუგდიდის მუნიციპალიტეტს, თურქეთის ქალაქ ერეგლის დელეგაცია სტუმრობს

ზუგდიდის მუნიციპალიტეტს, თურქეთის ქალაქ ერეგლის დელეგაცია სტუმრობს.

ზუგდიდის მუნიციპალიტეტის მერი მამუკა წოწერია, მოადგილეებთან და მერიის სხვადასხვა სამსახურის წარმომადგენლებთან ერთად, დელეგაციის წევრებს, რომლის შემადგენლობაში ერეგლის მერის მოადგილეები და მრჩევლები არიან,  მერიაში შეხვდა.

მამუკა წოწერიამ სტუმრებს ვიზიტისთვის  მადლობა გადაუხადა და სტამბოლში მომხდარი ტრაგიკული მოვლენის გამო მიუსამძიმრა.

მერმა სტუმრებს ზუგდიდის მუნიციპალიტეტზე ზოგადი ინფორმაცია  მიაწოდა და მერიის პრიორიტეტებზე დეტალური ინფორმაცია მიაწოდა.

მამუკა წოწერიამ ინფრასტრუქტურაზე, სოციალურ და ჯანდაცვის მიმართულებებზე, დევნილებზე, საზოგადოებრივ ტრანსპორტზე, განათლებაზე, გარემოს დაცვაზე, ახალგაზრდულ მიმართულებებზე, ზუგდიდის ტურისტულ პოტენციალზე, კულტურული მემკვიდრეობის ობიექტებსა და   ანაკლიის პორტის განვითარების პერსპექტივებზე  ისაუბრა.

მერი მუნიციპალიტეტში  ბალნეოლოგიური ტურიზმის განვითარების პერსპექტივებსაც შეეხო და ცაიშის თერმულ წყლების მნიშვნელობას გაუსვა ხაზი.

ვიზიტის ფარგლებში, დელეგაციის წევრები  სხვადასხვა  ობიექტს დაათვალიერებენ.

დელეგაციის ვიზიტის მიზანია, ზუგდიდისა და ერეგლის  ურთიერთთანამშრომლობის ხელშეწყობა  ინვესტიციების, ეკონომიკური ურთიერთობების, კულტურისა და განათლების მიმართულებით.

Related posts

პარლამენტში ფაროსანასთან ბრძოლის 2018 წლის სტრატეგიული და სამოქმედო გეგმა განიხილეს

რედაქტორი

მატილდა გვარლიანი პირველი ქართველი მოდელია სტივენ მეისელის ობიექტივში, მას ZARA-სთვის გადაიღებენ 

რედაქტორი

მამუკა წოწერია: 30 ოქტომბერს მოქალაქეების მიერ გაკეთებული არჩევანი იქნება ღირსეული და „ქართული ოცნება” დამაჯერებლად გაიმარჯვებს

რედაქტორი

დატოვე კომენტარი