რეგიონი

ზუგდიდში ინფრასტრუქტურის მოწყობა აქტიურად მიმდინარეობს

ზუგდიდის მუნიციპალიტეტის ნაცატუს ადმინისტრაციულ ერთეულში, 1300 გრ/მ საავტომობილო გზაზე სამშენებლო სამუშაოები აქტიურად მიმდინარეობს. სამუშაოების პროცესს ადგილზე ზუგდიდის მუნიციპალიტეტის მერის მოვალეობის შემსრულებელი, კონსტანტინე კაკავა, საკრებულოს თავმჯდომარესთან, მამუკა წოწერიასთან ერთად გაეცნო.

როგორც მერის მოვალეობის შემსრულებელმა, კონსტანტინე კაკავამ აღნიშნა, ზუგდიდის მუნიციპალიტეტის მერიისთვის პრიორიტეტად რჩება, სოფლებში პირველადი ინფრასტრუქტურის მოწესრიგება, მისი განახლება და გათანამედროვება, რათა სოფლად მცხოვრებლებს შეეძლოთ მარტივად გადაადგილება, ჰქონდეთ სერვისებზე ხელმისაწვდომობა. ყოველივე ეს აისახება მათ, როგორც სოციალურ ისე ეკონომიკურ მდგომარეობაზე.

ნაცატუს უახლოეს მომავალში საკვანძო, პირველადი ინფრასტრუქტურა მოწესრიგებული ექნება. საავტომობილო გზასთან ერთად სოფელში მოწყობილია წყალმომარაგების ქსელი. სამუშაოების დასრულების შემდგედ ადგილობრივები მუნიციპალური ტრანსპორტით სარგებლობას შეძლებენ.

ნაცატუში, გზის სამშენებლო სამუშაოებისთვის გამოყოფულია 300 000 ლარი და მას ზუგდიდის მუნიციპალიტეტის მერიასთან ერთად საქართველოს რეგიონებში განსახორციელებელი პროექტების ფონდი ახორციელებს.

Related posts

წალენჯიხის სოფლებში საერთო კრებებს ნინო ვიბლიანი დაესწრო

წალენჯიხის მერიამ სოციალურად დაუცველ და მრავალშვილიან ოჯახებზე საშობაო ნობათები გასცა

რედაქტორი

ზუგდიდის მერიამ ქალთა და დედის დღისადმი მიძღვნილი ღონისძიებისთვის გამოცხადებული ტენდერი გააუქმა

რედაქტორი

დატოვე კომენტარი