არჩევნები 2020

ირაკლი ჩიქოვანი: ზუგდიდი საკუთარი სახლია, სადაც ნაცნობია ყველა პრობლემა, მაქვს ძალიან კონკრეტული გეგმა, რა გზით გავაძლიერო ქალაქი, როგორ უნდა მოვახდინოთ მისი კიდევ უფრო მეტი განახლება

  • „ზუგდიდი ჩემთვის მხოლოდ გეოგრაფიული წერტილი და პოლიტიკური პლაცდარმი არ არის. არც ადგილია, სადაც ვცდილობ ჩემი პოლიტიკური ამბიციების რეალიზებას. ზუგდიდი საკუთარი სახლია, სადაც ნაცნობია ყველა პრობლემა და კარგად ვიცი რითი ცხოვრობს ეს ქალაქი. მაქვს ძალიან კონკრეტული გეგმა, რა გზით გავაძლიერო ქალაქი, როგორ უნდა მოვახდინოთ მისი კიდევ უფრო მეტი განახლება. ზუსტად ვიცი, როგორ უნდა შევძლოთ აქ უფრო მეტი ეკონომიკური დოვლათის შექმნა, ჩვენ შევძლებთ რომ ჩვენმა ქალაქმა დაიბრუნოს ის სილამაზე, რომელიც მას ადრე ჰქონდა“- განაცხადა „ბიზნესი იმედზე“ რუბრიკაში „ქართული ოცნების“ ზუგდიდის მაჟორიტარობის კანდიდატმა ირაკლი ჩიქოვანმა.

მისი განცხადებით, „ქართული ოცნების“ გუნდის პოლიტიკური მიზანია უკვე გაკეთებული პოლიტიკური განაცხადი 2024 წელს ევროკავშირის სრულფასოვან წევრობაზე.

„ვთვლი რომ არის უმნიშვნელოვანესი მიზანი და ამბიცია. ამის მიღწევას თან ახლავს არაერთი რეფორმა, ძალიან ბევრი გადაწყვეტილება და მუხლჩაუხრელი შრომა. პარალელურად, არსებობს ლოკალური ამოცანებიც, რომელიც ჩვენ აქ გვაქვს ადგილზე, ზუგდიდში და ეს არის: კომფორტული მუნიციპალიტეტი, საცხოვრებელი სახლებით დევნილების უზრუნველყოფა, მეტი აქტივობა სოფლის მეურნეობაში, სახელმწიფო პროგრამების მეტი ხელმისაწვდომობა, კულტურული მემკვიდრეობის ძეგლების შესაბამისი სტატუსი და რეაბილიტაცია და ა.შ“ – აცხადებს ირაკლი ჩიქოვანი.

შეგახსენებთ, რომ საპარალამენტო არჩევნების მეორე ტური საქართველოში მომავალ შაბათს, 21 ნოემბერს ჩატარდება.

Related posts

ალექსანდრე მოწერელია : ჩვენი გუნდის მთავარი მიზანი ქვეყნის განვითარება და ეკონომიკური გაძლიერებაა

რედაქტორი

“ქართული-ოცნების” მაჟორიტარი დეპუტატობის კანდიდატი ალექსანდრე მოწერელია განაგრძობს მარტვილის მუნიციპალიტეტში შეხვედრებს

რედაქტორი

ირაკლი ხახუბია- სენაკს სპორტული მიღწევებისა და ქვეყნისთვის გამოჩენილი სპორტსმენების აღზრდის დიდი ტრადიცია აქვს

რედაქტორი

დატოვე კომენტარი