STV
არჩევნები 2020

ირაკლი ჩიქოვანი – შეუძლებელია უდიდესი პატივისცემა და მადლიერება არ გამოხატო იმ თავგანწირვისთვის, რაც ვეტერანებმა ჩვენი სამშობლოსთვის გასწიეს

  • ,,ქართული ოცნების“ ზუგდიდის მაჟორიტარი დეპუტატობის კანდიდატი ირაკლი ჩიქოვანი, საოკუპაციო ხაზთან მდებარე სოფელ რუხში, დევნილ მებრძოლებს, ვეტერანებს შეხვდა. ირაკლი ჩიქოვანის განცხადებით, საქართველოს ტერიტორიული მთლიანობისთვის მებრძოლი ადამიანების ღვაწლი ფასდაუდებელია და მათ განსკუთრებული მადლობა გადაუხადა.

მისივე განმარტებით, ვეტერანების მხარდასაჭერად, სოციალური უზრუნველყოფის თვალსაზრისით, ბოლო წლებში ბევრი რამ გაკეთდა და მომავალშიც გაგრძელდება მუშაობა ვეტერანებისთვის ღირსეული პირობების შესაქმნელად.

,,ემოციური შეხვედრა გვქონდა, საინტერესო საუბარი შედგა, ბევრ თემას შევეხეთ, ვისაუბრეთ ოკუპაციაზე, ომის სიმძიმეზე. შეუძლებელია უდიდესი პატივისცემა და მადლიერება არ გამოხატო იმ თავგანწირვისთვის, რაც ვეტერანებმა ჩვენი სამშობლოსთვის გასწიეს. მართალია, ვეტერანების მხარდასაჭერად ბოლო წლებში სოციალური უზრუნველყოფის თვალსაზრისით ბევრი რამ გაკეთდა, თუმცა, რა თქმა უნდა, კიდევ გვაქვს შესაძლებლობები და კონკრეტული გეგმები, რაზეც შეხვედრაზე ვიმსჯელეთ. განვიხილეთ, თუ რა არის საჭირო იმისათვის, რომ ჩვენმა ვეტერანებმა სახელმწიფოს მხარდაჭერა კიდევ უფრო მეტად იგრძნონ და ჩვენ აუცილებლად ვიმუშავებთ ამისთვის, – ჩვენს ვეტერანებს ღირსეულ პირობებს შევუქმნით“ – განაცხადა ირაკლი ჩიქოვანმა.

Related posts

ალექსანდრე მოწერელია – „ქართული ოცნების“ ხელისუფლებაში მოსვლის შემდეგ შეიცვალა ყველაზე მთავარი – ხელისუფლების დამოკიდებულება თავისი მოქალაქის მიმართ

რედაქტორი

ირაკლი ჩიქოვანმა სამოქმედო გეგმა მოსახლეობას სოფელ ცაიშსა და ცაცხვში გააცნო

რედაქტორი

ალექსანდრე მოწერელია მარტვილის მუნიციპალიტეტში სამედიცინო სფეროს წარმომადგენლებს შეხვდა

რედაქტორი

დატოვე კომენტარი