რეგიონი

მამუკა წოწერია: ფონდ „ქართუს“ დახმარებით ჩვენ გვექნება თეატრი, რომელიც ყველა თანამედროვე სტანდარტებს დააკმაყოფილებს

„ფონდ „ქართუს“ დახმარებით ჩვენ გვექნება თეატრი რომელიც ყველა თანამედროვე სტანდარტებს  დააკმაყოფილებს“ – ამის შესახებ ზუგდიდის საკრებულოს თავმჯდომარემ ტელეკომპანია „მაესტროს“ ეთერში განაცხადა.

„თეატრის მშენებლობის მომავალი წლის ოქტომბერში  დასრულდება და შესაბამისად  ჩვენ ვიზეიმებთ პირველ სპექტაკლს განახლებულ თეატრში. მინდა მადლიერება გამოვხატო ფონდი  „ქართუს“ მიმართ, რომლის სრული დაფინანსებით  ხორციელდება  ეს პროექტი. თეატრს ექნება ყველა ინფრასტრუქტურული  და ტექნიკური საჭიროება იმისათვის,  რომ  დასმა  საუკეთესო პირობებში იმუშაოს. ეს იქნება ერთ-ერთი საუკეთესო თეატრი მთელს საქართველოში“ განაცხადა მამუკა წოწერიამ და ფონდ „ქართუს“ მიერ ზუგდიდში განხორციელებულ მასშტაბურ პროექტებზე გაამახვილა ყურადღება.

„ჩვენი მუნიციპალიტეტის  მაშტაბით  თეატრთან ერთად „ქართუ“ ფონდის მიერ   განხორციელებულია უმნიშვნელოვანესი პროექტები.  ეს გახლავთ  ნიკოსეული სასახლე,  რომელიც  თავიდან ბოლომდე იქნა  რეაბილიტირებული  და რომელიც  დანგრევის პირას იყო  მისული; ასევე  გახლავთ  ნარაზენში სამონასტრო კომპლექსი; დადიანების  ბოტანიკური ბაღის რეაბილიტაციის პროექტირება, რომლის მიხედვითაც  განხორციელდა მისი  სრული აღდგენა და უკვე  ექსპლუატაციაშია  შესული; მინდა აღვნიშნო  სპორტული ინფრასტრუქტურა  ეს გახლავთ რაგბის  სტადიონის და ბაზის მშენებლობა,  რომლის სამუშაოები  უკვე დაწყებულია  და  დიდი მადლობა, კიდევ ერთხელ  მინდა გადაუხადო  „ქართუ“ ფონდს  ასეთი მხარდაჭერისთვის, რომ არა  ეს ფონდი  ნამდვილად, როგორც  ცენტრალური ბიუჯეტის თვალსაზრისით, ასევე  მით უმეტეს მუნიციპალიტეტის  მაშტაბით  ამ თანხების მობილიზება და შესაბამისად ამ სიკეთის  შექმნა ჩვენი მუნიციპალიტეტისათვის  შეუძლებელი იქნებოდა“ – განაცხადა მამუკა წოწერიამ.

Related posts

ხელისუფლების წარმომადგენლებმა მარტვილში ინფრასტრუქტურული პროქტები დაათვალიერეს

ზუგდიდში სოციალური სახლების გადაცემის პროცესი გრძელდება

რედაქტორი

სოფელ საჩინოში სასმელი წყლის მაგისტრალებისა და ქსელების სარეაბილიტაციო სამუშაოები მიმდინარეობს

დატოვე კომენტარი