ახალი ამბები რეგიონი

მარტვილში კაღუს ჩანჩქერამდე მისასვლელი გზის რეაბილიტაცია მიმდინარეობს

მარტვილის მუნიციპალიტეტში გაჭედილის ადმინისტრაციულ ერთეულში, სოფელ ბალდაში, მამათა მონასტრიდან კაღუს ჩანჩქერამდე გზის ცემენტ-ბეტონის საფარით მოწყობის სამუშაოები მიმდინარეობს.

მიმდინარე სამუშაოებს მარტვილის მუნიციპალიტეტის მერი თორნიკე ჯანაშია, საკრებულოს თავმჯდომარესთან ლევან სურმავასთან ერთად გაეცნო.

პროექტის ფარგლებში ცემენტ-ბეტონის საფარით რეაბილიტირდება 1 216 მ გზა, ასევე გათვალისწინებულია მონოლითური რკ/ბეტონის საყრდენი კედლის, რკ/ბეტონის ღია არხის, ცხაურის და მოედნის მოწყობა (ავტოსადგომისთვის).

პროექტის ღირებულება 658 200 ლარს შეადგენს. სამშენებლო სამუშაოების შპს „მარტვილავტოგზა“ ასრულებს.

აღნიშნული გზა ავარიული იყო და გადაადგილების დროს პრობლემებს უქმნიდა, როგორც ადგილობრივებს, ასევე ტურისტებს. პროექტის დასრულების შემდეგ გადაადგილება იქნება უსაფრთხო და კომფორტული.

გზის სარეაბილიტაციო სამუშაოები საქართველოს რეგიონებში განსახორციელებელი პროექტების ფონდისა და ადგილობრივი მუნიციპალიტეტის დაფინანსებით ხორციელდება.

Related posts

მარტვილის სოფელ ნოღაში ახალი საბავშვო ბაღი გაიხსნა

რედაქტორი

ჯუმბერ იზორიას ინციატივით შექმნილმა ფონდმა, საფეხბურთო კლუბ ,,ერთობას” სპორტული ინვენტარი გადასცა

რედაქტორი

დავით ფარცვანია – მოქალაქეების პროტესტი თამამად შეიძლება ითქვას, რომ არის სამართლიანი

რედაქტორი

დატოვე კომენტარი