კულტურა

სენაკელ თეატრალებს ,,ამაგდარის“ წოდება მიენიჭათ

სენაკის აკაკი ხორავას სახელობის პროფესიულ სახელმწიფო დრამატულ თეატრს საქართველოს თეატრალური საზოგადოების თავმჯდომარე გიორგი გეგეჭკორი, ოზურგეთისა და თელავის პროფესიული სახელმწიფო დრამატული თეატრების სამხატვრო ხელმძღვანელები ვასო ჩიგოგიძე და ვანო იანტბელიძე ესტუმრნენ.

თეატრალური საზოგადოების წარმომადგენლებმა მერიის განათლების, კულტურის, სპორტისა და ახალგაზრდობის სამსახურის უფროსთან გივი მისაბიშვილთან, თეატრის დირექტორთან მამუკა ბარქაიასთან და სამხატვრო ხელმძღვანელთან ირაკლი ადამიასთან ერთად, ახლადარებილიტირებული კულტურული მემკვიდრეობის უნიკალური ძეგლი დაათვალიერეს.

საქართველოს თეატრალური საზოგადოება ტრადიციულად, ყოველ წელს, განიხილავს თეატრების დასების წარმომადგენელთა მოღვაწეობის საკითხს და იღებს გადაწყვეტილებას, დააჯილდოვოს ესა თუ ის პიროვნება თავისი განვლილი შემოქმედებითი ცხოვრების მიხედვით.

საქართველოს თეატრალური საზოგადოების გადაწყვეტილებით, მიმდინარე წელს, ,,ამაგდარის“ წოდება მიენიჭათ სენაკის აკაკი ხორავას სახელობის პროფესიული სახელმწიფო დრამატული თეატრის მსახიობებს – გიორგი (ჟორა) დამენიას, გულნარა ლოხიშვილს, თენგიზ თოფურიძეს, ტექნიკურ რეჟისორს – მაია ფირცხელავას; სალომე ყანჩელის სახელობის ჯილდო გადაეცა მსახიობ თამარ აბშილავას.

Related posts

ზუგდიდში რაულ ჩილაჩავას წიგნის პრეზენტაცია გაიმართა

რედაქტორი

12 ოქტომბერს ანსამბლ ,,ფორტე’’-ს 30 წლის საიუბილეო საღამო და ვარსკვლავის გახსნა გაიმართება

რედაქტორი

დიდგორობისა და ცოტნეობის აღნიშნვა სენაკში ნოქალაქევის ისტორიული ციხე-ქალაქიდან დაიწყო

რედაქტორი

დატოვე კომენტარი