შემთხვევა

სოფელ აბასთუმანთან აფხაზეთის ავტონომიური რესპუბლიკის პოლიციის დეპარტამენტის თანამშრომლებმა მოქალაქე დაჭრეს

ზუგდიდში სოფელ აბასთუმანთან, წუხელ გვიან ღამით აფხაზეთის ავტონომიური რესპუბლიკის პოლიციის დეპარტამენტის თანამშრომლებმა მოქალაქე დაჭრეს. შემთხვევა მაშინ მოხდა, როცა დაჭრილს ოკუპირებული აფხაზეთიდან ქართული მხარის მიერ კონტროლირებად ტერიტორიაზე კონტრაბანდული, უაქციზო სიგარეტი გადმოჰქონდა.

მოქალაქე არ დაემორჩილა პოლიციელების მოთხოვნას, შემთხვევის ადგილიდან მიმალვას ცდილობდა რა დროსაც პოლიციელმა გაისროლა. დაჭრილი სასწრაფო სამედიცინო დახმარების სამსახურმა ზუგდიდის რეფერალურ საავადმყოფოში გადაიყვანა. შემდეგ მისი რეფერირება ქუთაისში მოხდა.

მას სასწრაფო, გადაუდებელი ქირურგიული ოპერაცია დასჭირდა და მისი ჯანმრთელობის მდგომარეობა ამ დროისთვის დამაკმაყოფილებელია და რეანიმაციულ განყოფილებაში, მართვით სუნთქვაზე იმყოფება.

Related posts

ზუგდიდის რეფერალურ ჰოსპიტალში H1N1 ვირუსით 41 წლის მამაკაცი გარდაიცვალა

რედაქტორი

მდინარე მულხურაში მიცუბიში დელიკას მარკის ავტომობილი გადავარდა

რედაქტორი

ავტოსაგზაო შემთხვევა ზუგდიდში – დაშავებულია 5 ადამიანი

რედაქტორი

დატოვე კომენტარი