რეგიონი

ჩხოროწყუს მერმა სრულად რეაბილიტირებული სკოლა დაათვალიერა

ჩხოროწყუს მერმა დათო გოგუამ , მერის პირველმა მოადგილე გოჩა ჩიქოვანმა, საკრებულოს თავმჯდომარე ბესიკ ესებუამ და სოფელ კირცხის მაჟორიტარმა დეპუტატმა ვალერიანე იზორიამ სოფელ კირცხის რეაბილიტირებული საჯარო სკოლა დაათვალიერეს. სოფელ კირცხში #1 საჯარო სკოლის სრული რეაბილიტაცია დასრულდა.

პროექტს ათასწლეულის გამოწვევის კორპორაციის დაფინანსებით საქართველოს განათლებისა და მეცნიერების სამინისტრო და სსიპ საგანმანათლებლო და სამეცნიერო ინფრასტრუქტურის განვითარების სააგენტო ახორციელებენ . სამუშაოებს ასრულებს შპს ,,ქართული სამშენებლო ჯგუფი“ .

პროექტის ფარგლებში მოეწყო საკლასო ოთახები, სპორტული და სააქტო დარბაზები, საბუნებისმეტყველო და კომპიუტერული ლაბორატორიები, დამონტაჟდა გათბობის სისტემა, სველი წერტილები. შენობა ადაფტირებულია შშმ პირებისთვის. სრულად რეაბილიტირდა ასევე სკოლის დამხმარე ნაგებობა – მასწავლებელთა ყოფილი სახლი, რომელშიც ბიბლიოთეკა, მუზეუმი და ბუფეტი განთავსდება.

სკოლა აღჭურვილია ასევე სასკოლო ავეჯითა და ინვენტარით. პროექტის ფარგლებში გათვალისწინებულია ეზოსა და სპორტული მოედნის მოწყობა. ეზოს მოწყობითი სამუშაოები უახლოეს პერიოდში დაიწყება.

Related posts

დავით ფარცვანიამ ჩხოროწყუს მუნიციპალიტეტის სოფლებში შეხვედრები გამართა

ფოთში მიმდინარე პროექტებს სახელმწიფო რწმუნებული გაეცნო

ახალსოფლის ადმინისტრაციულ ერთეულს კეთილმოწყობილი ბიბლიოთეკა და რეაბილიტირებული სამკითხველო დარბაზი შეემატება

რედაქტორი

დატოვე კომენტარი