- ფოთში ძლიერი წვიმის შედეგად რამდენიმე ქუჩა დაიტბორა. წყალი საცხოვრებელი სახლების პირველ სართულზე შევიდა, რის გამოც მოსახლეობას საყოფაცხოვრებო ნივთები დაუზიანდა. დაზარალებულები ხელისუფლებისგან დახმარებას ითხოვენ.
ფოთის მუნიციპალიტეტის მერიაში განმარტავენ, რომ ყველა წყალსატუმბი სადგური გამართულად მუშაობს, თუმცა ზღვაზე ძლიერი ღელვაა და წყლის გადადინება ვერ ხერხდება.
მერიის განცხადებით, შექმნილია შესაბამისი კომისია, რომელიც დაითვლის მისახლეობისათვის მიყენებულ ზარალს და ანაზღაურებაც ამის შესაბამისად მოხდება.