STV
რეგიონი

სამეგრელოს-ზემო სვანეთის რეგიონში პროგრამა ,,განახლებული რეგიონების“ ფარგლებში მიმდინარე ინფრასტრუქტურული პროექტები აქტიურ ფაზაშია

სამეგრელო-ზემო სვანეთის რეგიონის ცხრავე მუნიციპალიტეტში პროგრამა ,,განახლებული რეგიონების“ ფარგლებში, დაფინანსებული ინფრასტრუქტურული პროექტების განხორციელება აქტიურ ფაზაშია. „განახლებული რეგიონების“ პროგრამა 4-წლიანია და საქართველოს 63 მუნიციპალიტეტს მოიცავს.

პროგრამის მხოლოდ პირველი ეტაპის საორიენტაციო ღირებულება 500 მილიონი ლარია და ითვალისწინებს რეგიონების ურბანულ განახლებას, რაც სახელმწიფოს, მუნიციპალიტეტის და კერძო საკუთრებაში არსებული მნიშვნელოვანი ობიექტის განვითარებას გულისხმობს. პროექტები მუნიციპალიტეტის წარმომადგენლების უშუალო ჩართულობით სპეციალურმა კომისიამ შეარჩია, ხოლო სამშენებლო კომპანიები, მუნიციპალური განვითარების ფონდის მიერ გამოცხადებული ელექტრონული ტენდერებით შეირჩა.

სპეციალური კომისიის შემადგენლობაში შედიოდნენ როგორც ადგილობრივი თვითმმართველობის, ისე ცენტრალური ხელისუფლების წარმომადგენლები და სივრცითი დაგეგმარების სპეციალისტები. სამეგრელო ზემო სვანეთის რეგიონში, ქალაქ ზუგდიდის ცენტრალური მოედნის და ბულვარის მიმდებარე ტერიტორიის, წალენჯიხის ცენტრალური უბნის, ჩხოროწყუს კულტურის სახლისა და დავით აღმაშენებლის ქუჩაზე მიმდინარე სამუშაოები სამეგრელო-ზემო სვანეთის სახელმწიფო რწმუნებულმა გიორგი გუგუჩიამ და მუნიციპალური განვითარების ფონდის აღმასრულებელი დირექტორის პირველმა მოადგილემ, გიორგი ციბაძემ, ადგილობრივი ხელისუფლების წარმომადგენლებთან ერთად დაათვალიერეს.

„განახლებული რეგიონების“ პროგრამის შედეგად, ქვეყნის რეგიონებში განახლდება ცენტრალური ქუჩები და სხვა მუნიციპალური ინფრასტრუქტურა რეაბილიტირდება და მოეწყობა ახალი სკვერები.

მსგავსი სიახლეები

სამეგრელო-ზემო სვანეთის რეგიონს, სტიქიის შედეგების კომპენსაციისა და ლიკვიდაციისთვის, მთავრობის განკარგულებით 3 740 000 ლარი გამოეყო

რედაქტორი

ხობის მერია: მოვუწოდებთ საერთაშორისო გამჭირვალობა- საქართველოს მეტი კომპეტენცია გამოიჩინონ

რედაქტორი

რას წერდა მაია კალანდია ერთი წლის წინ დემურ ფიფიაზე, რომელმაც დღეს ენმ დატოვა და მელიას შეუერთდა – დაპირისპირება ყოფილ თანაგუნდელებს შორის

რედაქტორი

დატოვე კომენტარი