STV
ახალი ამბები რეგიონი სამართალი

აპრილში სამეგრელო-ზემო სვანეთში ხე-ტყის უკანონო მოპოვების 22 ფაქტი გამოვლინდა

მიმდინარე წლის აპრილში  სამეგრელო-ზემო სვანეთის რეგიონში უკანონო ტყითსარგებლობის 22 ფაქტი გამოვლინდა. ოფიციალურ სტატისტიკას გარემოსდაცვისა და სოფლის მეურნეობის სამინისტროს გარემოსდაცვითი ზედამხედველობის სააგენტო ავრცელებს.

მათივე ინფორმაციით,  საქართველოს მასშტაბით, გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2023 წლის 1 აპრილიდან 30 აპრილის ჩათვლით, უკანონო ტყითსარგებლობის 192 ფაქტი გამოავლინეს. მათ შორის, 148 ხე-ტყის უკანონო მოპოვება-ტრანსპორტირებას ეხება, 44 კი, საამქროების მიერ ტექნიკური რეგლამენტის დარღვევისა და უკანონო სახერხი საამქროების ფაქტებია.

„ჯამში, ამოღებულია უკანონოდ მოპოვებული 169 კუბურ მეტრზე მეტი მოცულობის ხე-ტყე. ამავე პერიოდში დაფიქსირდა სახერხი საამქროს ტექნიკური რეგლამენტის დარღვევის 39 ფაქტი. ასევე, ქვეყნის მასშტაბით ამოღებულია 5 ერთეული არარეგისტრირებული სახერხი საამქრო,”- წერია გავრცელებულ ინფორმაციაში.

Related posts

გარემოს ეროვნული სააგენტო: შავი ზღვის წყლის ხარისხი ნორმაშია

რედაქტორი

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის საჯარო შეხვედრა გაიმართა ზუგდიდში

რედაქტორი

წლის ბოლომდე ფოთს განახლებული ავტოპარკი ექნება

რედაქტორი

დატოვე კომენტარი