მომავალ კვირას სამეგრელოს ოფიციალური ვიზიტით ამერიკის შეერთებული შტატების ელჩი საქართველოში კელი დეგნანი ეწვევა. ჩვენი ინფორმაციით, დეგნანს USAID-ის პროგრამის ფარგლებში დაფინანსებულ მეწარმეებთან შეხვედრა აქვს დაგეგმილი ზუგდიდის ტექნოპარკში, ელჩი ასევე გეგმავს ზუგდიდის ბიბლიოთეკის ამერიკულ კუთხეში მისვლას და შეხვედრების გამართვას. ელჩი დეგნანი ასევე შეხვდება ადგილობრივი ხელისუფლების წარმომადგენლებს.
