სამხრეთ ოსეთის თვითგამოცხადებული რესპუბლიკის დელეგაცია მათი დე ფაქტო ლიდერის, ალან გაგლოევის ხელმძღვანელობით აფხაზეთში ჩავა და ომის დასრულების 30 წლისთავთან დაკავშირებით გამართულ საზეიმო ღონისძიებებს დაესწრება.
მასთან ერთად დელეგაციაში ე.წ. საგარეო საქმეთა მინისტრი, ახსარ ჯიოევი, ე.წ. თავდაცვის მინისტრი, მარატ პავლოვი და ე.წ. პარლამენტარებიც იქნებიან.
გაგლოევის პრესსამსახურის ცნობით, დაგეგმილია შეხვედრა აფხაზეთის დე-ფაქტო პრეზიდენტთან ასლან ბჟანიასთანაც.
რუსეთის საგარეო საქმეთა სამინისტროს პრესსპიკერის, მარია ზახაროვას თქმით, 30 სექტემბერს სოხუმში რუსეთის დელეგაციაც ჩავა.
