STV
ახალი ამბები რეგიონი სამართალი

ემა გოგოხიას და მისი ოპერატორისთვის ხელის შეშლის ფაქტზე საგამოძიებო სამსახურმა ორი პირი ამხილა

სპეციალურმა საგამოძიებო სამსახურმა, ტელეკომპანია „მთავარი არხის“ თანამშრომლებისთვის პროფესიულ საქმიანობაში უკანონოდ ხელის შეშლის ფაქტზე, 2 პირი ამხილა. ამის შესახებ ინფორმაციას უწყება თავად ავრცელებს.

,,გამოძიებით დადგინდა, რომ  2023 წლის 26 აგვისტოს, ტელეკომპანია „მთავარი არხის“ ჟურნალისტი ემა გოგოხია და ოპერატორი ნიკა გვალია მესტიის რაიონის სოფელ ხაიშში მდებარე ხე-ტყის გადამამუშავებელი ერთ-ერთი საამქროს ტერიტორიაზე სიუჟეტის მოსამზადებლად იმყოფებოდნენ. რა დროსაც ბრალდებულები მთავარი არხის თანამშრომლებს, სიცოცხლის მოსპობითა და ჯანმრთელობის დაზიანებით დაემუქრნენ და ჟურნალისტზე ფიზიკურად იძალადეს.
აღნიშნული ქმედებით, ემა გოგოხიას და ნიკა გვალიას პროფესიული საქმიანობის განხორციელებაში ხელი შეეშალათ.
სპეციალურმა საგამოძიებო სამსახურმა დანაშაულში მხილებულ ორივე პირს ბრალდება პროკურატურის მიერ გამოტანილი დადგენილების საფუძველზე საქართველოს სისხლის სამართლის კოდექსის 154-ე მუხლის მეორე ნაწილით და 126- მუხლის პირველი ნაწილით  გათვალისწინებული დანაშაულის ჩადენისთვის წარუდგინა.” – ნათქვამია სპეციალური საგამოძოებო სამსახურის მიერ გავრცელებულ განცხადებაში.

Related posts

ხვალ ზუგდიდში მთავრობის ადმინისტრაციის ორგანიზებით კონცერტი გაიმართება

რედაქტორი

სოფელ ეწერში საავტომობილო გზის რეაბილიტაცია აქტიურად მიმდინარეობს

რედაქტორი

სენაკში ახალი ბაგა-ბაღი აშენდა

რედაქტორი

დატოვე კომენტარი