STV
ახალი ამბები რეგიონი სპორტი

ჩხოროწყუს ქალთა საფეხბურთო კლუბი ლანჩხუთთან დამარცხდა

ქალთა საფეხბურთო კლუბი „ლანჩხუთი“ საქართველოს ჩემპიონია. გუნდი ეროვნული პირველობის ბოლოსწინა ტურში უშუალო კონკურენტს, მოქმედ ჩემპიონს, ჩხოროწყუს „სამეგრელოს“ დაუპირისპირდა და 3:0 დაამარცხა.

ამ შეხვედრამდე გუნდები 25-25 ქულით ლიდერობდნენ და შეხვედრა ჩემპიონის ბედს წყვეტდა. მატჩი ლანჩხუთელებმა შესანიშნავად ჩაატარეს და პირველივე ტაიმში გადამწყვეტ უპირატესობას მიაღწიეს. ანგარიში სწრაფი გოლით ლელა ჭიჭინაძემ გახსნა, ტაიმის მიწურულს კი სოფიკო ნარსიამ და ეთერ სულაშვილმა „სამეგრელოს“ კარი კიდევ ორჯერ აიღეს და პირველი ნახევარი 0:3 დასრულდა.

მეორე ტაიმში ჩხოროწყუს გუნდმა თამაშის გადარჩენა ვეღარ შეძლო, ანგარიში აღარ შეცვლილა და „ლანჩხუთმა“ ტიტული მოქმედი ჩემპიონისგანდაიბრუნა. გურულებმა მომდევნო სეზონში ქალთა ჩემპიონთა ლიგის საკვალიფიკაციო ეტაპზე თამაშის უფლება მოიპოვეს. მესამე ადგილი კი „კვარტალმა“ გაინაღდა, რომელსაც 10 ქულა აქვს და, ბოლო ტურის შედეგის მიუხედავად, „ბათუმი“ ვეღარ დაეწევა.

ქსკ სამეგრელო – ქსკ ლანჩხუთი 0:3

მსგავსი სიახლეები

ფოთელ გულშემატკივარს  ევროპის ჩემპიონატზე ეროვნული ნაკრების თამაშების ყურება დიდ ეკრანზე შეეძლება

რედაქტორი

გუბერნატორი სენაკის აიპებში თანამშრომლებს შეხვდა

რედაქტორი

ზუგდიდის მერიის ორგანიზებით ეროვნული ნაკრების თამაშების ყურება დიდ ეკრანზე იქნება შესაძლებელი 

რედაქტორი

დატოვე კომენტარი