STV
ამბები სამეგრელოდან დღის ამბები მთავარი ამბები სამართალი

სენაკში მომხდარ მკვლელობაში ბრალდებულის აღმკვეთზე სასამართლო მსჯელობს

ზუგდიდის რაიონული სასამართლო, სენაკში მომხდარი მკვლელობის ბრალდებით დაკავებულისთვის აღკვეთი ღონისძიების შეფარდებაზე მსჯელობს. სასამართლო 12:00 საათზე დაიწყო, თუმცა მოსამართლე შოთა ბიჭიას გადაწყვეტილებით შესვენება გამოცხადდა.

ბრალდების მხარემ, აღკვეთ ღონისძიებად ლუკა სარიასთვის პატიმრობის შეფარდება მოითხოვა და მოტივად დაკავებულის პირობითი მსჯავრი, ასევე მიმალვის და ახალი დანაშაულის ჩადენის საფრთხეები დაასახელა.

დაცვის მხარემ კი აღკვეთის ღონისძიების გაუქმება მოითხოვა და განმარტა, რომ ბრალდებული ლუკა სარია უკანონოდ დააკავეს და მის მიმართ განხორციელდა მუქარა, შანტაჟი და ფსიქოლოგიური ზეწოლა.

აღნიშნული ინფორმაციის საფუძველზე, შესაბამისი მასალების მოასპოვებლად, მოსამართლემ სხდომა 3 საათით გადადო და განაცხადა, რომ დაცვის მხრიდან მიწოდებულ ინფორმაციას შესაბამის უწყებებს გააცნობს.

თავად დაკავებული ბრალს არ აღიარებს და თავს უდანაშაულოდ მიიჩნევს. სასამართლო სხდომა დღეს 15:30 საათზე განახლდება.

ცნობისთვის, მკვლელობა სენაკში გორის ქუჩაზე 18 მაისს მოხდა. არსებული ინფორმაციით, სისხლიან დაპირისრებას წინ უძღოდა ურთიერთშელაპარაკება, რის შედეგად ერთი პირი გარდაიცვალა, ხოლო 5, მათ შორის გარდაცვლილის ძმა, რომელიც კლინიკაშია მოთავსებული.

სამართალდამცავებმა მკვლელობაში ბრალდებული, შემთხვევიდან რამდენიმე საათში დააკავა, გამოძიება დაკავებული მამაკაცის წინააღმდეგ, სისხლის სამართლის კოდექსის 108-ე მუხლით მიმდინარეობს.

მსგავსი სიახლეები

ანაკლია-განმუხურში საზღვაო სეზონი ოფიციალურად გაიხსნა

რედაქტორი

ზუგდიდის მერია ახალგაზრდების ფინანსურ მხარდაჭერას აგრძელებს

რედაქტორი

ირაკლი ჩიქოვანი: მნიშვნელოვანია, რომ საქართველოსა და აშშ-ს შორის მოხდეს ურთიერთობების გადატვირთვა, ამისთვის საქართველოს ხელისუფლება მზად არის

რედაქტორი