ოკუპირებული აფხაზეთიდან ომის პერიოდში დაღუპული 16 იდენტიფიცირებული პირის გადმოსვენება მოხდა.
16 იდენტიფიცირებული პირი, რომელთაგან 7 სამხედრო და 9 მშვიდობიანი მოქალაქეა, შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და წითელი ჯვრის საერთაშორისო კომიტეტის თანამშრომლობით გადმოასვენეს.
4 მებრძოლს დიღმის ძმათა სასაფლაოზე, დანარჩენებს კი, ოჯახების გადაწყვეტილებით, საგვარეულო სასაფლაოებზე სამხედრო პატივით დაკრძალავენ.
გადმოსვენებულთა სამოქალაქო პანაშვიდი სამების საკათედრო ტაძარში მიმდინარეობს. გარდაცვლილთა ოჯახის წევრებს და ახლობლებს, პრემიერ მინისტრმა ირაკლი კობახიძემ, ვიცე-პრემიერმა და თავდაცვის მინისტრმა ირაკლი ჩიქოვანმა,თავმჯდომარე შალვა პაპუაშვილმა და სხვა ოფიციალურმა პირებმა მიუსამძიმრეს.
