მალე მესტიაში მაღალსიჩქარიანი ინტერნეტით სარგებლობა იქნება შესაძლებელი. ,,ფართოზოლოვანი ინფრასტრუქტურის განვითარების სახელმწიფო პროგრამის” ფარგლებში, მესტიის მუნიციპალიტეტის ტერიტორიაზე ფართოზოლოვანი ოპტიკურ-ბოჭკოვანი ინფრასტრუქტურის, საჰაერო და მიწისქვეშა ოპტიკურ-ბოჭკოვანი კაბელის მაგისტრალის მშენებლობა მიმდინარეობს.
პროექტის ხელმძღვანელის ინფორმაციით, მიმდინარე წელს სამუშაოები ჩატარდება დაბა მესტიიდან ლახამულას ტერიტორიულ ერთეულამდე, დარჩენილი მონაკვეთი კი მომავალი წლის 25 სექტემბრამდე დასრულდება.
მთელ საქაეთველოში სამშენებლო სამუშაოების განხორციელებისთვის ჯამში 14 995 434 ლარი დაიხარჯება.
პროექტი კი მსოფლიო ბანკის დაფინანსებით ხორციელდება.
