ოკუპირებულ აფხაზეთში გადამფრენი ფრინველები მასიურად იღუპება
11.03.2025 / 11 მარტი 2025
ოკუპირებულ აფხაზეთში გადამფრენი ფრინველები მასიურად იღუპება. ამის შესახებ ეკოლოგიის დე ფაქტო კომიტეტის განცხადებაში წერია, რომელსაც აფხაზური ინტერნეტ გამოცემა “აფსნიპრესი” ავრცელებს.
„სავსებით შესაძლებელია, რომ ეს ფრინველების ბუნებრივი სიკვდილის ფაქტები იყოს. ჩვენი წინასწარი შეფასებით, არ არის ინფექცია, დაბინძურება ან მოწამვლა. როცა ლაბორატორიული გამოკვლევების შედეგებს მივიღებთ, უფრო დეტალურად გვექნება საუბარი“ – აცხადებს „აფსნიპრესთან“ საუბარში დე ფაქტო კომიტეტის თავმჯდომარის მოვალეობის შემსრულებელი, საველი ჭითანავა.
მისი ცნობით, დახოცილი ფრინველის ნიმუშები ლაბორატორიული გამოკვლევისთვის კრასნოდარის მხარის ქალაქ კროპოტკინის გარემოსდაცვით სამსახურს გადაეგზავნა.
![მიტოვებული ქალაქი ოკუპირებულ აფხაზეთში [ვიდეო]](https://api.stv.ge/uploads/2018/11/2018-11-03-2.jpg)