ზუგდიდში დღეს ლეგენდარულ ქართველ ფეხბურთელთან ოთარ გაბელიასთან შეხვედრა გაიმართა. დღეს ზუგდიდში სპეციალურად ამ დღისთვის, დინამო თბილისის მიერ 1981 წელს მოპოვებული თასების მფლობელთა თასი იყო წარმოდგენილი. თასთან ფოტოების გადაღება სარამოზე მოსულ ნებისმიერ მსურველს შეეძლო.

1981 წლის 13 მაისს დიუსელდორფის „რეინშტადიონზე“ ქართული ფეხბურთის ისტორია დაიწერა – თბილისის „დინამომ“ გერმანიის დემოკრატიული რესპუბლიკის გუნდი, იენის „კარლ ცაისი“ 2:1 დაამარცხა და თასების მფლობელთა თასის გამარჯვებული გახდა.

„დინამომ“ ფინალამდე რამდენიმე მეტოქე ჩამოიცილა. 1/16-ფინალში საბერძნეთის „კასტორია“ დაამარცხა, 1/8-ფინალში – ირლანდიური „უოტერფორდი“, 1/4-ფინალში – ლონდონის „ვესტ ჰემი“, 1/2 ფინალში კი – როტერდამის „ფეინოორდი“.

თბილისის „დინამოსთვის“ ევროპული თასის მოპოვება ყველაზე მნიშვნელოვანი ტიტულია. ფინალში ანგარიში გერმანელებმა 63-ე წუთზე გერჰარდ ჰოპეს გოლით გახსნეს. ოთხ წუთში ვლადიმერ გუცაევმა წონასწორობა აღადგინა, ხოლო მატჩის დასრულებამდე სამი წუთით ადრე (87) ვიტალი დარასელიამ გამარჯვების გოლი გაიტანა.

ოთარ გაბელია ზუგდიდელია, მან კარიერა ზუგდიდის დინამოში დაიწყო. ოთარ გაბელია, დინამო თბილისის მეკარე იყო, როდესაც გუნდი 1981 წელს თასების მფლობელთა თასის გამარჯვებული გახდა.

თასების მფლობელთა თასი საფეხბურთო კლუბ თბილისის დინამოს მუზეუმშია დაცული.

ამავე თემაზე:

ზუგდიდში ლეგენდარული ფეხბურთელის ოთარ გაბელიას წიგნის პრეზენტაცია გაიმართა [ფოტო]

ნათლისღება 2026, ზუგდიდისა და ცაიშის მიტროპოლიტი გერასიმე შარაშენიძე.

ფოტო: ლევან გაბეჩავა

დადიანების სასახლე

ზუგდიდისა და ცაიშის მიტროპოლიტმა გერასიმემ, ეპარქიის სამღვდელოებასთან ერთად, ზუგდიდის რეფერალური ჰოსპიტლის სამშობიარო განყოფილებაში ახალშობილი ბავშვები დალოცა და შობის დღესასწაული მიულოცა მშობლებსა და სამედიცინო პერსონალს.

ასე გამოიყურება კურორტი ლებარდე დღეს. ფოტოს ფეიბუქ გვერდი ,,მარტვილი•Martvili” ავრცელებს.

მესტია ახალ წელს ახალი ნაძვის ხით ხვდება.

დღეს, 4 ოქტომბერს, სრულიად საქართველოს კათოლიკოს-პატრიარქმა უწმინდესმა და უნეტარესმა ილი II-მ ადგილობრივი თვითმმართველობის არჩევნებში მიიღო მონაწილეობა. ინფორმაციას საქართველოს საპატრიარქო ავრცელებს.

საფეხბურთო კარიერის დასრულების შემდეგ ნიკა კვეკვესკირი ნაკრების სამწვრთნელო შტაბს შეუერთდა, ფოტოებს ეროვნული ნაკრები აქვეყნებს.

ფოთი, მალთაყვის სანაპირო მზის ჩასვლა

დღეს ვლაქერნობაა. დღესასწაული განსაკუთრებულად ზუგდიდში აღინიშნება. ტრადიციულად, ღვთისმშობლის კვართი დადიანების ისტორიული სასახლიდან გამოაბრძანეს, რომელიც მთელი დღის განმავლობაში ივერიის ღვთისმშობლის ხატის სახელობის საკათედრო ტაძარში იქნება დაბრძანებული. ღვთისმშობლის კვართთან ერთად მომლოცველებს შესაძლებლობა ექნებათ, მოილოცონ წმინდა დიდმოწამე მარინეს, წმინდა მოწამე კვირიკეს, წმინდა გიორგისა და იოანე ნათლისმცემლის წმინდა ნაწილები.

ივერიის ყოვლადწმინდა ღვთისმშობლის ხატის სახელობის საკათედრო ტაძარში სადღესასწაულო საღმრთო ლიტურგია ზუგდიდისა და ცაიშის ეპარქიის მიტროპოლიტმა გერასიმემ, მსოფლიო პატრიარქის წარმომადგენელთან მეუფე კირილესთან და სინოდის წევრებთან ერთად აღავლინა.

ვლაქერნობის სადღესასწაულო წირვას საქართველოს პრეზიდენტი მიხეილ ყაველაშვილი, პარლამენტის თავმჯდომარე შალვა პაპუაშვილი, ვიცე-პრემიერი, თავდაცვის მინისტრი ირაკლი ჩიქოვანი, სახელმწიფო რწმუნებული დავით ვერავა, პარლამენტის წევრები და ადგილობრივი ხელისუფლების წარმომადგენლები ესწრებოდნენ.

დღესასწაულს მომლოცველები საქართველოს სხვადასხვა კუთხეებიდან და მსოფლიოს სხვადასხვა ქვეყნებიდან ესწრებიან.