31 დეკემბერს, ახალი წლის ღამეს ზუგდიდში ნუცა ბუზალაძე იმღერებს.

ნუცა ბუზალაძემ 2024 წლეს ევროვიზიის სიმღერის კონკურსზე საქართველო წარადგინა. ის სხვადასხვა საერთშოროსო კონკურსებისა და ფესტივალების მონაწილეა, მათ შოროს ამერიკული ვოისის მონაწილეა.

სენაკის მუნიციპალიტეტის მერიის ორგანიზებით, ნოქალაქევის არქიტექტურულ-არქეოლოგიურ მუზეუმ-ნაკრძალში, „ეგრისობის“ სახალხო დღესასწაული გაიმართა.

დღესასწაულის ფარგლებში, მოეწყო თეატრალიზებული მსვლელობა, ფოტო ზონები, ყვავილების ხეივანი, ეთნოგრაფიული, ახალგაზრდული, საბავშვო და საგანმანათლებლო სივრცეები, მეწარმეების ნამუშევრების გამოფენა-გაყიდვა, გასტრონომიული ფესტივალი, თეატრალური პერფორმანსი – ლეგენდა „არგონავტებზე“, დღის განმავლობაში გაიმართა ადგილობრივი ფოლკლორული ანსამბლების კონცერტი. ეგრისობა 2025 კი ჯგუფ „ურსას“ სოლო კონცერტით დასრულდა.

ღონისძიების ფარგლებში დაჯილდოვდნენ 2025 წლის საპატიო სენაკელები. ქალაქისა და ქვეყნის წინაშე გაწეული განსაკუთრებული დამსახურებისათვის, ხანგრძლივი და წარმატებული პროფესიული საქმიანობისთვის, სენაკის საპატიო მოქალაქისა და სენაკზე მზრუნველის წოდება, სხვადასხვა სფეროში მოღვაწე 9 ადამიანს მიენიჭა:

• დეკანოზ ალექსი რეკვავას – ზანის ფერისცვალების სახელობის, ლესიჭინეს მიძინებისა და ოჩხომურის წმინდა ბარბარეს სახელობის ტაძრების წინამძღვარს;
• ელვინა ყიფიანს – საგანმანათლებლო სფეროს ღვაწლმოსილ და დამსახურებულ მუშაკს;
• გიორგი გაგუას – ისტორიკოსს, პედაგოგიურ მეცნიერებათა დოქტორს, ბიზნესმენს;
• ლენა გოგინავას – საქართველოს დამსახურებულ პედაგოგს, გენო ადამიას სახელობის პირველი საჯარო სკოლის ღვაწლმოსილ მასწავლებელს, 54 წლიანი პედაგოგიური გამოცდილებით;
• მამუკა ადამიას – ძირძველ სენაკელს, ბიზნესმენს, ქველმოქმედს;
• ნუგზარ ძაძამიას – ქალაქის კოლორიტს, პოლიციის მაიორს, უმწიკვლო და სანიმუშო სამსახურისთვის – შინაგან საქმეთა სამინისტროს I, II და III ხარისხის მედლების მფლობელს;
• მურმან ბოჯგუას – დამსახურებულ ექიმ-პედიატრს, შპს ,,სენაკის მუნიციპალიტეტის ამბულატორიულ-პოლიკლინიკური გაერთიანების“ დირექტორს;
• თენგიზ თოფურიძეს – აკაკი ხორავას სახელობის სახელმწიფო პროფესიულ დრამატული თეატრის წამყვან მსახიობს, ღირსების მედლისა და თეატრის ამაგდარის საპატიო წოდებების მფლობელს, 100-მდე საკულტო სპექტაკლის მსახიობს;
• სენაკზე მზრუნველის წოდება მიენიჭა ქალაქის კოლორიტს, ავთანდილ ჯოჯუას.

საპატიო სენაკელებს მედლები და სიგელები გადასცეს: საქართველოს პარლამენტის წევრმა, სენაკის, ხობის და ფოთის დელეგატმა, გიორგი ხახუბიამ; სენაკის მუნიციპალიტეტის მერმა, ვახტანგ გადელიამ, საკრებულოს თავმჯდომარემ, ჯუმბერ ტყებუჩავამ.

„ეგრისობის“ სახალხო დღესასწაულს სამეგრელო-ზემო სვანეთის სახელმწიფო რწმუნებულის მოადგილეები, პარლამენტის წევრები და ადგილობრივი ხელისუფლების წარმომადგენლები ესწრებოდნენ.

ფოტო რეპორტაჟი

აბაშის მუნიციპალიტეტში ტრადიციული სახალხო დღესასწაული „აბაშობა- 2025“, 11 ნოემბერს, საქართველოს ეროვნულ გმირთა – ზვიად გამსახურდიასა და მერაბ კოსტავას სახელობის პარკში გაიმართება.

პროგრამას აბაშის მუნიციპალიტეტის მერია ავრცელებს:

„15:00 – „საპატიო აბაშელის“ წოდებებით, აკაკი ხოშტარიას სახელობითი მედლით დაჯილდოების ცერემონია და კონცერტი ადგილობრივი შემსრულებელებისა და ქორეოგრაფიული ანსამბლების მონაწილეობით

16:30 საათიდან:

• ქუთაისის ნიღბების თეატრის გმირების საზეიმო მსვლელობა
• აბაშელ ხელოვანთა ნამუშევრების, საქართველოს ეროვნული მუზეუმის ოქროს ფონდში დაცული აბაშაში მდებარე ეკლესიების ქრისტიანული ხელოვნების ნიმუშების, ფოტო-სურათების, რუსთაველის პრემიის ლაურეატის, ქართული გრაფიკის ფუძემდებლის ვლადიმერ (ლადო) გრიგოლიას ნამუშევრების გამოფენა
• კლასიკური მუსიკის კონცერტი – ქუთაისის ოპერისა და ბალეტის სახელმწიფო თეატრის სიმებიანი კვარტეტი

17:00-18:00 – აბაშის მუნიციპალიტეტის სოფლების საშემოდგომო-საგამოფენო სივრცეების დათვალიერება, მეგრული კერძების მასტერკლასი

18:00 – გალა კონცერტი „თბილისური კვარტეტის“ მონაწილეობით

19:00 – ფოიერვერკი

ღონისძიების წამყვანი – ნიკოლოზ წულუკიძე“

„მუსიკალური შემოდგომა 2025“-ის ფარგლებში, ხობის კულტურის სასახლეში „თბილისური კვარტეტის“, თაკო გაჩეჩილაძის, „ნიკოლშოუს“, პანჩოს, ლიკა დოლიძის და „ლაიქ ბენდის“ მონაწილეობით კონცერტი გაიმართა.

კონცერტს ხობის მუნიციპალიტეტის მერი დავით ბუკია, მერის მოადგილე დავით ბერაია და ადგილობრივი თვითმმართველობის წარმომადგენლები ესწრებოდნენ. ღონისძიება საქართველოს კულტურის სამინისტროს ორგანიზებითა და ხობის მუნიციპალიტეტის მერიის მხარდაჭერით ჩატარდა.

დადიანების სასახლეთა ისტორიულ-არქიტექტურული მუზეუმის მიმდებარედ, აქტიურად მიმდინარეობს ზუგდიდის საპატიო წოდების მინიჭებისა და კონცერტის სამზადისი.

ღონისძიებაში მონაწილეობენ: თბილისის მერიის საკონცერტო ორკესტრის ბიგ-ბენდი და სოლისტები: მაია ბარათაშვილი, რომა რცხილაძე, მარიკო ებრალიძე, ნესტან ჯიბლაძე, გიორგი სუხიტაშვილი. კონცერტში ასევე, მონაწილეობს ფოლკლორული ანსამბლი ,,ოდოია“.

ღონისძიება, 14 სექტემბერს, 19:00 საათზე, ზუგდიდის მერიის ორგანიზებით გაიმართება.

ზუგდიდის კლასიკური მუსიკის IV ფესტივალს სამეგრელო-ზემო სვანეთის სახელმწიფო რწმუნებულის მოადგილეები გიორგი ნადარაია, დავით კუხალეიშვილი და ზუგდიდის მერი მამუკა წოწერია საზოგადოების სხვადასხვა სფეროს წარმომადგენლებთან ერთად დაესწრნენ.

დადიანების სასახლეთა ისტორიულ-არქიტექტურული მუზეუმის ეზოში ფესტივალის დასკვნითი საღამო გაიმართა. მაყურებლის წინაშე ოპერის მსოფლიო დონის შემსრულებლები – ნინო სურგულაძე, ოთარ ჯორჯიკია, იანო ალიბეგაშვილი, არმაზ დარაშვილი და მამუკა ლომიძე წარსდგნენ. საღამო მაესტრო დავით მუქერიას დირიჟორობით გაიმართა.

ფესტივალი 1 სექტემბერს გაიხსნა, პირველი კონცერტი ხელოვნებისა და კულტურის განვითარების ცენტრის საკონცერტო დარბაზში ნიკა ნიკვაშვილის დირიჟორობით ჩატარდა.

ფესტივალი ზუგდიდის მუნიციპალიტეტის მერიის მხარდაჭერითა და ა(ა)იპ ,, ხელოვნებისა და კულტურის განვითარების ცენტრის“ ინიციატივით გაიმართა.

ლეგენდარული რეჟისორი ელდარ შენგელაია 92 წლის ასაკში გარდაიცვალა. ინფორმაციას ნატო ვაჩნაძის ფონდი ავრცელებს.

ელდარ შენგელაიამ კინორეჟისორის უმაღლესი განათლება მიიღო კინემატოგრაფიის საკავშირო სახელმწიფო ინსტიტუტში. 1957-1959 წლებში მუშაობდა კინოსტუდია „მოსფილმში“. 1960 წლიდან გადავიდა კინოსტუდია „ქართულ ფილმში“. თავისი სადებიუტო ფილმი მან გადაიღო 1963 წელს თამაზ მელიავასთან ერთად. „თეთრი ქარავანი“ მწყემსთა ცხოვრების სირთულეს აღწერს.

ელდარ შენგელაიას ფილმებიდან აღსანიშნავია: „ლეგენდა ყინულის გულზე“, „თოვლის ზღაპარი“, „თეთრი ქარავანი“, „მიქელა“ (ნოველა კინოალმანახზე „წარსულის ფურცლები“), „არაჩვეულებრივი გამოფენა“, „შერეკილები“, „სამანიშვილის დედინაცვალი“, „ცისფერი მთები, ანუ დაუჯერებელი ამბავი“, „ექსპრეს-ინფორმაცია“, „Dog Rose“, „სავარძელი“, „ჭა“.

მიღებული აქვს საქართველოს ლენინური კომკავშირის პრემია, შრომის წითელი დროშის ორდენი, სსრკ-ის სახელმწიფო პრემია, შოთა რუსთაველის სახელობის პრემია, წმინდა გიორგის სახელობის გამარჯვების ორდენი, წმიდა გიორგის ოქროს ორდენი, თბილისის საპატიო მოქალაქის წოდება.

დღეს „სვანეთობაა“, დღესასწაული მესტიის ცენტრში, სეტის მოედანზე იმართება. დღის განმავლობაში მუნიციპალიტეტის ტერიტორიული ერთეულების პავილიონებთან, წარმოდგენილია ადგილობრივი ხალხური რეწვის ოსტატების ნამუშევრები, ძველი სვანური საყოფაცხოვრებო ნივთები და სვანური კულინარია.

პარალელურად მიმდინარეობს ფოლკლორული ანსამბლების კონცერტი. ღონისძიებას სამეგრელო-ზემო სვანეთის სახელმწიფო რწმუნებული დავით ვერავა, მოადგილეებთან, მესტიის მერთან და საკრებულოს თავმჯდომარესთან ერთად ესწრება.

დღესვე გაიმართა მესტიის საპატიო მოქალაქეების დაჯილდოება. სახელმწიფო რწმუნებულმა და მესტის მერმა აღნიშნული წოდება, ძიუდოში მსოფლიო ჩემპიონს ლუხუმ ჩხვიმიანს გადასცეს.

„სვანეთობის“ ფარგლებში დღესვე სტარტს აიღებს მესტიის საერთაშორისო მთის ფილმების ფესტივალი, რომელიც 6 დღის განმავლობაში გაგრძელდება.

„სვანეთობა“ ყოველწლიურად, კვირიკობის დღესასწაულის მეორე დღეს იმართება, ის სვანური ტრადიციების, კულტურის, ფოლკლორის, რეწვისა და ადგილობრივი კულინარიის პოპულარიზაციას ისახავს მიზნად.

სენაკის აკაკი ხორავას სახელობის სახელმწიფო პროფესიულ დრამატულ თეატრში, კომპოზიტორ ზვიად ბოლქვაძის საავტორო მუსიკის კონცერტი გაიმართა.

კონცერტში მომღერალი ნეკა სებისკვერაძე მუსიკალურ ბენდთან ერთად მონაწილეობდა.

პროექტის – ,,ზვიად ბოლქვაძის საავტორო მუსიკის კონცერტები რეგიონებში” წარმდგენია საქართველოს კულტურის სამინისტრო.

საავტორო მუსიკის კონცერტს, მუნიციპალიტეტის მერის მოადგილე ნანა ზარანდია, საკრებულოს სოციალურ საკითხთა კომისიის თავმჯდომარე, ინგა ქარდავა და ადგილობრივი თვითმმართველობის სხვა წარმომადგენლები დაესწრნენ.

21 ივლისს, 19:30 საათზე, მალთაყვის სანაპიროზე, ზაფხულის პირველ კონცერტი გაიმართება. ფოთის მერიაში აცხადებენ, რომ კონცერტზე მაყურებლის წინაშე „ბენდი 1/4 ლინდა ადამიასთან“ ერთად, თიკა ფაცაცია, არჩილ სოლოღაშვილი და ბენდი ,,კაი ტიპები” წარსდგებიან. საღამოს კი DJ გიგა პაპასკირი და DJ მაშო დაასრულებენ. კონცერტში მონაწილეობას ასევე იღებს ფოთის არჩილ ხორავას სახელობის სახელოვნებო სასწავლებლის ჯაზ-ბენდი PJ Band.

ზღვის სანაპიროზე მთელი დღის განმავლობაში მსურველებს ექნებათ შესაძლებლობა ჩაერთონ პლაჟის თამაშებში – ფეხბურთსა და ფრენბურთში. 19:00 საათიდან, ღონისძიებების დასრულებამდე, მუნიციპალური ტრანსპორტი მალთაყვის სანაპიროს მიმართულებით უფასოდ იმოძრავებს.