ზუგდიდში მოქმედი ქორეოგრაფიული ანსამბლი „იმედი“ ბულგარეთიდან საერთაშორისო წარმატებით ბრუნდება.

ანსამბლი ბულგარეთში, ნესებრისა და სლანჩევ ბრიაგის მასპინძლობით გამართულ XXVI საერთაშორისო ბავშვთა ფესტივალ „რავდაში“ (International Children Festival “Ravda”) მონაწილეობდა, სადაც სხვადასხვა ქვეყნის წარმომადგენლებთან ერთად საქართველო ღირსეულად წარადგინა.

ფესტივალის ფარგლებში ანსამბლმა მონაწილეობა მიიღო იუნესკოს ეგიდით გამართულ გალა-კონცერტშიც, სადაც მაღალი საშემსრულებლო ოსტატობისა და ქორეოგრაფიული ხელოვნების ღირსეული წარმოჩენისთვის ფესტივალის უმაღლესი ჯილდო  გრან-პრი მოიპოვა.

ანსამბლ „იმედს“ ქორეოგრაფები ლევან ფიფია და ნანა შანავა ხელმძღვანელობენ.