ხობის მუნიციპალიტეტის ახალი ხიბულის ადმინისტრაციული ერთეულის საშეროზიოს უბანში გზის რეაბილიტაციის დასკვნითი ეტაპის სამუშაოები მიმდინარეობს.

საშეროზიოს უბანში მიმდინარე სამუშაოებს ხობის მუნიციპალიტეტის მერი დავით ბუკია და მერის პირველი მოადგილე რევაზ ზაქარაია გაეცნენ.

პროექტის შესაბამისად შიდა სასოფლო გზაზე იგება ბეტონის საფარი, მოეწყობა სანიაღვრე არხები, მილხიდები და ეზოებთან მისასვლელები. სამუშაოს სახელშეკრულებო ღირებულება 1.5 მილიონ ლარზე მეტია.

გზის რეაბილიტაციის პროექტი საქართველოს რეგიონებში განსახორციელებელი პროექტების ფონდისა და ადგილობრივი ბიუჯეტის დაფინანსებით ხორციელდება. სამუშაოები უახლოეს პერიოდში დასრულდება და მოქალაქეებს სრულად რეაბილიტირებული საგზაო ინფრასტრუქტურით სარგებლობის შესაძლებლობა ექნებათ.

დღეს, ჩხოროწყუს მერის ჯუმბერ იზორიას ინიციატივითა და ორგანიზებით, მუნიციპალიტეტში მორიგი მასშტაბური დასუფთავების აქცია გაიმართა.

დასუფთავების სამუშაოები განხორციელდა სოფელ მუხურში, ხობისწყლის ხეობაში — შურუბუმუსა და ტობავარჩხილის მიმართულებით, ასევე სოფელ თაიაში, ოცინდალეს მიმდებარე ტერიტორიებზე.

აღნიშნულ ლოკაციებზე სრულად გაიწმინდა გარემო საყოფაცხოვრებო ნარჩენებისა და ეკალ-ბარდებისგან.

აქციაში მონაწილეობა მუნიციპალიტეტის მერმა ჯუმბერ იზორიამ, მერის პირველმა მოადგილე ლაშა ჟვანიამ , საკრებულოს თავმჯდომარე ჯანო პერტაიამ, თანამშრომლებთან და მოხალისეებთან ერთად მიიღეს.

ტურისტული სეზონის მოახლოების ფონზე, აღნიშნული ღონისძიება განსაკუთრებულ მნიშვნელობას იძენს — იგი ხელს შეუწყობს როგორც ბუნებრივი გარემოს დაცვასა და გაუმჯობესებას, ასევე ტურისტულად მნიშვნელოვანი ლოკაციების მოწესრიგებას, რაც უზრუნველყოფს უფრო მიმზიდველ, სუფთა და უსაფრთხო გარემოს როგორც ვიზიტორებისთვის, ისე ადგილობრივი მოსახლეობისთვის.

მერის ინიციატივით, დასუფთავების აქცია სხვადასხვა ლოკაციაზე, პერიოდულად იმართება.

ზუგდიდის მუნიციპალიტეტის სოფელ ოქტომბერში, ახალი საბავშვო ბაღის სამუშაოებს, ინფრასტრუქტურის მინისტრი რევაზ სოხაძე, სამეგრელო-ზემო სვანეთის სახელმწიფო რწმუნებულ დავით ვერავასთან, მუნიციპალური განვითარების ფონდის აღმასრულებელ დირექტორ ბექა ურუშაძესთან და ზუგდიდის მერთ დავით კოდუასთან ერთად გაეცნო. ახალი საბავშვო ბაღი 50 ბავშვზეა გათვლილი.

ახალ შენობაში განთავსებულია საგანმანათლებლო, დასასვენებელი და ადმინსიტრაციული ოთახები. საბავშვო ბაღში მოწყობილია, ასევე, სამზარეულო, შიდა და გარე სათამაშო ზონები.

ზუგდიდის მუნიციპალიტეტში ახალი საბავშვო ბაღის მშენებლობა საქართველოს მთავრობამ დაახლოებით 1.3 მილიონ ლარით დააფინანსა.

ზუგდიდის მუნიციპალიტეტში სკოლამდელი საგანმანათლებლო ინფრასტრუქტურის განვითარება აქტიურად მიმდინარეობს. ბოლო პერიოდში საბავშვო ბაღებს რეაბილიტაცია ჩაუტარდათ სოფელ ნარაზენში, ცაცხვში, კახათსა და რიყეში.

ზუგდიდში, ილია ვეკუას სახელობის აფხაზეთის №11 საჯარო სკოლა 450 მოსწავლეზეა გათვლილი და თანამედროვე საგანმანათლებლო სტანდარტების შესაბამისად შენდება.

სკოლის შენობაში მოეწყობა სრულად აღჭურვილი საკლასო ოთახები, ლაბორატორია, საინფორმაციო ტექნოლოგიების კაბინეტი და ბიბლიოთეკა, რაც მოსწავლეებს ხარისხიანი განათლების მიღებისთვის ყველა საჭირო რესურსს შესთავაზებს.

ინფრასტრუქტურა ასევე მოიცავს კვების სივრცეს, სამედიცინო კაბინეტს, შიდა და გარე სპორტულ მოედნებს, რაც ხელს შეუწყობს როგორც სასწავლო, ისე ფიზიკურ და სოციალურ განვითარებას.

აფხაზეთის №11 საჯარო სკოლის მშენებლობას საქართველოს მთავრობა 11.2 მილიონი ლარით აფინანსებს.

პროექტს ინფრასტრუქტურის სამინისტროს მუნიციპალური განვითარების ფონდი ახორციელებს.

სამშენებლო სამუშაოების მიმდინარეობას ინფრასტრუქტურის მინისტრი რევაზ სოხაძე, სამეგრელო-ზემო სვანეთის სახელმწიფო რმწუნებული დავით ვერავა, ზუგდიდის მერი დავით კოდუა და მუნიციპალური განვითარების ფონდის აღმასრულებელი დირექტორი ბექა ურუშაძე გაეცნენ.

ზუგდიდის მუნიციპალიტეტის სოფელ განმუხურის საზღვაო სანაპირო ზოლის ეროზირებული ნაწილის აღდგენისა და დაცვისათის სამუშაოები უკვე მიმდინარეობს.

განმუხურის სანაპირო ზოლი წლების განმავლობაში ექვემდებარებოდა ზღვის ტალღოვანი ზემოქმედებით გამოწვეულ ეროზიას. დაზიანებულ მონაკვეთზე ნაპირი 10-12 მეტრით, ხოლო შესართავთან - 50-60 მეტრით იყო უკან დახეული. არსებული მდგომარეობა საფრთხეს უქმნიდა სანაპირო ინფრასტრუქტურას და ადგილობრივი ტურისტული პოტენციალის განვითარებას.

პროექტის ფარგლებში გათვალისწინებულია სანაპირო ზოლის შევსებისა და დაცვის სპეციალური სამუშაოები, რაც მნიშვნელოვნად შეამცირებს ეროზირებული პროცესების ინტენსივობას და უზრუნველყოფს სანაპიროს მდგრადობას.

პროექტს ინფრასტრუქტურის სამინისტროს საავტომობილო დეპარტამენტი ახორციელებს, რომლის ღირებულება 3.2 მილიონ ლარზე მეტია და სრულად დაფინანსდება სახელმწიფო ბიუჯეტიდან.

პროცესს ადგილზე ინფრასტრუქტურის მინისტრი რევაზ სოხაძე, სამეგრელო-ზემო სვანეთის სახელმწიფო რწმუნებული დავით ვერავა, რწმუნებულის მოადგილეები, ზუგდიდის მერი დავით კოდუა, პარლამენტის წევრი, ზუგდიდის დელეგატი ედიშერ თოლორაია, მუნიციპალური განვითარების ფონდის აღმასრულებელი დირექტორი ბექა ურუშაძრე, საავტომობილო გზების დეპარტამენტის დირექტორი ლევან დარახველიძე გაეცნენ.

ამასთან, ინფრასტრუქტურის სამინისტროს მუნიციპალური განვითარების ფონდმა უკვე დაიწყო განმუხურისა და ანაკლიის სანაპირო ზოლის განახლების პროექტირება.

პროექტი მოიცავს 67 ჰექტარზე თანამედროვე, ოთხივე სეზონზე ხელმისაწვდომი მრავალფუნქციური რეკრეაციული სივრცის შექმნას, სადაც განთავსდება დასასვენებელი, სპორტული და კულტურული ზონები, საფეხმავლო და ველო ბილიკები.

გათვალისწინებულია საბავშვო, საგანმანათლებლო და სპორტული სივრცეების მოწყობა, ღია სცენა, არსებული ინფრასტრუქტურის რეაბილიტაცია და ანაკლია-განმუხურის დამაკავშირებელი ხიდის განახლება.

პროექტი ასევე მოიცავს კომერციულ და საზოგადოებრივ ინფრასტრუქტურას, გამწვანებასა და თანამედროვე საინჟინრო სისტემების მოწყობას.

ინფრასტრუქტურის მინისტრი რევაზ სოხაძე ინფრასტრუქტურული პროექტების მონიტორინგის მიზნით სამეგრელოს რამდენიმე მუნიციპალიტეტში სამუშაო პროცესს სამეგრელო-ზემო სვანეთის სახელმწიფო რწმუნებულთან, დავით ვერავასთან ერთად ეცნობა.

მინისტრი და სახელმწიფო რწმუნებული აბაშის მუნიციპალიტეტის სოფელ მარანში 50 ბავშვზე გათვლილი საბავშვო ბაღის რეაბილიტაციის სამუშაოებს გაეცნენ.

შენობაში სრულად განახლდება საგანმანათლებლო, სათამაშო და დასასვენებელი ოთახები, სამზარეულო და სპორტული მოედანი.

თანამედროვე სტანდარტების შესაბამისად, ბაგა-ბაღის ინფრასტრუქტურა ადაპტირებული იქნება განსაკუთრებული საჭიროებების მქონე პირებისთვის.

პროექტი სახელმწიფო ბიუჯეტიდან 2.4 მილიონი ლარით ფინანსდება.

მინისტრთან და სახელმწიფო რწმუნებულთან ერთად სამუშაო პროცესს გაეცნენ მუნიციპალური განვითარების ფონდის აღმასრულებელი დირექტორი ბექა ურუშაძე და აბაშის მუნიციპალიტეტის მერი გიგა გაბელაია.

ღირსებისნორდენის კავალერი, ზუგდიდის საპატიო მოქლაქე, ცნობლილი ქორეოგრაფი თამაზ მოსია 82 წლის ასაკში გარდაიცვალა.

ძმების ჯემალ, ლერი და თამაზ მოსიების მოღვაწეობა წილნაყარია ქართულ კულტურასთან, კერძოდ ქართულ ქორეოგრაფიასთან.

სუხიშვილების ოქროს თაობას , 1959 წლიდან 1970 წლამდე ამშვენებდნენ ძმები მოსიები. ეს იყო ერთადერთი ფაქტი ანსამბლის ისტორიაში, როცა სამი ძმა ერთდროულად მოღვაწეობდა საქართველოს აკადემიურ ანსამბლში.

ანსალმბლთან ერთად, მათ მოვლილი აქვთ მსოფლიოს ხუთივე კონტინენტი. პლანეტის უდიდესი ქალაქების თეატრთა სცენებს ახსოვთ სამი ძმა მოსიების განუმეორებელი ცეცხლოვანი ფანდები („ტრიუკები“) ძმებ მოსიებს შეარქვეს „სცენაზე მფრინავი მოცეკვავეები”.

თამაზ მოსია აგრძელებს მოღვაწეობას საქართველოს საუკეთესო ანსამბლებში. საქართველოს ფილარმონიაში აყალიბებს მოცეკვავეთა ჯგუფს „ცერული“.

1983 წელს თამაზ მოსია ბრუნდება მშობლიურ ქალაქში. 1984 წელს, თამაზ მოსია ინიშნება ზუგდიდის „მუსიკალურ-ქორეოგრაფიული საზოგადოების“ თავმჯდომარედ და სამხატვრო ხელმძღვანელად.

1990-იან წლებში მუშაობდა ზუგდიდის შალვა დადიანის სახელობის სახელმწიფო დრამატული თეატრის დირექტორად, თამაზ მოსია იყო ღირსების ორდენის კავალერი, საქართველოს ქორეოგრაფთა კავშირის რაინდის წოდების ორდენოსანი, ზუგდიდის საპატიო მოქალაქე. იყო, სამეგრელო-ზემო სვანეთის ქორეოგრაფთა კავშირის თავმჯდომარე და ქორეოგრაფიულ ანსამბლ „ჩელას“ სამხატვრო ხელმძღვანელი. მისის ცხოვრების გზა სისხლხორციელად უკავშირდება ქორეოგრაფიულ ხელოვნებას და ანსამბლ „ჩელას.

ზუგდიდში ძმებ მოსიებს ვარსკვლავი გაუხსნეს.

დღეს წაჩხურობაა. წაჩხურობის დღესასწაული სამეგრელოში, მარტვილის მუნიციპალიტეტის  სოფელ წაჩხურის მთავარანგელოზისსახელობის ტაძარში ყოველწლიურად აღინიშნება. წაჩხურობას აღდგომის მომდევნო კვირას, ბრწყინვალე შვიდეულის ხუთშაბათს აღნიშნავენ. 

დღევანდელი ტაძრის ადგილას VII საუკუნის ეკლესია მდგარა, თუმცა ჩვენამდე მხოლოდ განახლებულმა, XVIII საუკუნის ტაძარმა მოაღწია. წაჩხურობას მთავარანგელოზის ეკლესიაში უშვილო წყვილები მთელი საქართველოდან მიდიან მოსალოცად და წაჩხურუს მთავარანგელოზის ხატს წყალობას შესთხოვენ. მომლოცველებს პატარა აკვნები (ზოგჯერ აკვანში თოჯინაც წევს) მიაქვთ ეკლესიაში.

წაჩხურობის დღესასწაულზე ტარდება სპეციალური წირვა უშვილოებისთვის, მათ ლოცვებში იხსენიებენ და წყვილები ეზიარებიან. გარდა მთხოვნელებისა, ამ დღეს ტაძარს ბევრი მადლიერი ადამიანიც სტუმრობს. ცნობილია, რომ წაჩხურობას წარმართული დღესასწაული უდევს საფუძვლად, რომელიც შემდეგ მცირედი სახეცვლილებით ქრისტიანულ კულტურას შეერწყა. 

დღესასწაულზე სოფელ წაჩხურში ყველა ოჯახში საგანგებოდ იშლება სუფრა, ყველა ადამიანს შეუძლია, ნებისმიერ ეზოში შესვლა და დაპურება. ითვლება, რომ ვინც მეტ სტუმარს უმასპინძლებს, მადლი იმ ოჯახზე გადმოვა. 

წაჩხურობის დღესასწაული ერთ-ერთი საინტერესო და გამორჩეულია უძველეს ქართულ დღესასწაულებს შორის, რომელმაც დღემდე მოაღწია და რომელშიც ჩანს ქრისტიანობასთან მორგებული და შერწყმული წინარექრისტიანული კულტურის კვალი.

ამავე თემაზე:

წაჩხურობაზე ტაძრამდე მომლოცველებს უფასო ტრანსპორტი მოემსახურება

წაჩხურობის დღესასწაულთან დაკავშირებით, მარტვილის მუნიციპალიტეტის მერიის ორგანიზებით, მომლოცველებს წაჩხურუს მთავარანგელოზის სახელობის ტაძრამდე უფასო ტრანსპორტი მოემსახურება.

ტრანსპორტირება განხორციელდება 16 აპრილს, სალხინოს ადმინისტრაციული ერთეულის ცენტრიდან, დილის 06:00 საათიდან მთელი დღის განმავლობაში.

ხობის მუნიციპალიტეტის ზემო ქვალონის ადმინისტრაციული ერთეულის სოფელ საალანიო-საფაჩულიოში გზის რეაბილიტაცია მიმდინარეობს.

პროექტის ფარგლებში 3,6 კილომეტრიან გზაზე დაიგება ბეტონის საფარი, მოეწყობა სანიაღვრე სისტემა, დამონტაჟდება საგზაო ნიშნები. სამუშაოების ჯამური ღირებულება 3 მილიონ ლარზე მეტია.

გზის რეაბილიტაციის პროექტი საქართველოს რეგიონებში განსახორციელებელი პროექტების ფონდისა და ადგილობრივი ბიუჯეტის დაფინანსებით ხორციელდება.

პროექტის განხორციელების შედეგად, დაზიანებული გზა სრულად რეაბილიტირდება და მოსახლეობას კეთილმოწყობილი საგზაო ინფრასტრუქტურით სარგებლობის შესაძლებლობა ექნება.