ზუგდიდის დიაგნოსტიკური ცენტრის ჯან-მედის ორგანიზებით მესამე საერთაშორისო  სამედიცინო კონფერენცია ჩატარდა. კონფერენციის ფარგლებში თურქი პროფესორი — მედიცინის დოქტორი, შინაგანი დაავადებებისა და კლინიკური ონკოლოგი ნურულაჰ ზენგინი ადგილობრივ ექიმებს შეხვდა.

შეხვედრას 60-მდე ექიმი ესწრებოდა, სამედიცინო სფეროს წარმომადგენლებმა ერთმანეთს გამოცდილება გაუზიარეს. თურქმა პროფესორმა ონკოლოგიის მიმართულებით არსებულ გამოწვევებზე, თანამედროვე ტენდენციებსა და მიდგომებზე ისაუბრა.

1 ნოემბერს თურქი ექიმი მიღებას ჯან-მედში გამართავს. დაინტერესების შემთხვევაში შეგიძლიათ დარეკოთ  ნომერზე  551 90 14 74 ან მიბრძანდეთ მისამართზე ქალაქი ზუგდიდი, გამარჯვების №32

დღეს ზუგდიდში, თურქეთის რესპუბლიკის ქალაქ ტრაპიზონში მდებარე სამედიცინო ცენტრის 7M-ის წარმომადგენლობა გაიხსნა. ოფისი მერაბ კოსტავას 58 ნომერში, ცენტრალური ბიბლიოთეკის გვერდით მდებარეობს.

„ეს ოფისი არ არის შუამავალი წარმომადგენლობა, ეს იქნება პირდაპირ კლინიკის წარმომადგენლობა. სერვისი მოიცავს კლინიკის ვიზიტის დაჯავშნას, ტრაპიზონამდე ტრანსპორტირებას და ეს არ წარმოადგენს დამატებით მომსახურებას, ეს მომსახურება შედის საერთო თანხაში“ – აცხადებენ 7M-ის წარმომადგენლობაში.

გახსნის ცერემონიალს 7M-ის პროფესორები, ჰოსპიტლის მენეჯმენტი და სხვადასხვა მიმართულების ხელმძღვანელი ექიმები, სამეგრელო-ზემო სვანეთის სახელმწიფო რწმუნებულის მოადგილეები და ადგილობრივი სამედიცინო საზოგადოების წარმომადგენლები ესწრებოდნენ.

7M გთავაზობთ შემდეგი მიმართულებებზე სამედიცინო მომსახურებას: ტვინისა და ნერვის ქირურგია, ორთოპედია და ტრავმატოლოგია, მეანობა და გინეკოლოგია, შინაგანი დაავადებების მკურნალობა, ბავშვთა ჯანმრთელობა, ყელ-ყურ ცხვირის დაავადებები, უროლოგიის მიმართულება, უშვილობის პრობლემები, ფიზიკური თერაპია და რეაბილიტაცია, კარდიოლოგია, გულ-მკერდის ქირურგია, დერმატოლოგია, შინაგანი დაავადებების მკურნალობა, ზოგად ქირურგია, ტუპერკულიოზის მკურნალობა, ფსიქოლოგია, დიეტოლოგია, პლასტიკურ ქირურგია, თმის გადანერგვას და ა.შ.

დამატებითი ინფორმაციისთვის შეგიძლიათ მიმართოთ ზუგდიდის სერვის ცენტრს მისამართზე: ზუგდიდი, კოსტავას 58, ან დარეკოთ ტელეფონის ნომერზე 544 44 22 03” – ნათქვამია კომპანიის მიერ გავრცელებულ ინფორმაციაში.

9 აგვისტოს, ჩხოროწყუში რესტორან „კოჩანაში“ გრანდიოზული მუსიკალური საღამო გაიმართება.
რესტორნის სტუმრები იქნებიან ყველასათვის საყვარელი მომღერალი, ნიკოლ შოუ ( გია ნიკოლაძე) და იუმორისტი ჯაბოვიჩი (ჯიმი აბესაძე).

საღამოზე ასევე იქნებიანე საქართველოს დამსახურებული არტისტები: ვახტანგ ტატიშვილი, ნუგზარ კვაშალი, ბესო კალანდაძე, ზურაბ კობეშავიძე და სხვები.

საღამოს ასევე გაალამაზებენ ჩხოროწყუს სიმღერისა და ცეკვის ანსამბლები.

მაგიდის დასაჯავშნად დაუკავშირდით რესტორან „კოჩანას“: 032 2 11 41 42 ან 599 31 31 34

საპროდიუსერო კომპანია geo production რეგიონებში, ტურნეების ფარგლებში ზუგდიდელ ახალგაზრდებთან შესახვედრად ემზადება.

28 ივლისს ზუგდიდელ, ახალგაზრდებს და ქალაქის სტუმრებს საშუალება ექნებათ რესტორანი ,,ლაუნჯი”-ს ღია სცენაზე დაესწრონ ,,უწყვეტი მუსიკის საღამოს”

„ჩემთვის, როგორც ერთ-ერთი ზუგდიდელისთვის მნიშვნელოვნად, პრიორიტეტულია ჩვენი ქალაქის მსმენელს ვაჩუქოთ ერთი ძალიან ლამაზი საღამო.
მე და DJ BaSsO ორი საათის განმავლობაში მაქსიმალურად დავიხარჯებით სცენაზე და თითოეულ, მოსულ სტუმარს ვპირდებით დაუვიწყარ, ენერგიულ და ყველაზე ხმაურიან საღამოს“- ამბობს, პროდიუსერი ბექა ლაგვილავა.
28- ივლისს 21:00 საათიდან
„რესტორან ლაუნჯი“-ს ტერიტორიაზე დამონტაჟებულ სპეციალურ სცენაზე Geo production- ის ცენტრალური DJ BaSso დაუკრავს.
დასწრება თავისუფალია.
პროექტის ოქროს სპონსორია კომპანია „ნილო სთარი“

5 აპრილს USAID-სა და წალენიჯიხის მუნიციპალიტეტს შორის მემორანდუმი გადორმდა. ინფორმაციას წალენჯიხის მერია ავრცელებს:

USAID-ის ადგილობრივი თვითმმართველობის პროგრამამ შეაჯამა საქართველოში დეცენტრალიზაციის წინსვლისკენ გადადგმული ნაბიჯები, მიმოიხილა მიმდინარე პარტნიორებთან ერთად მიღწეული შედეგები და წარადგინა ახალი პარტნიორი მუნიციპალიტეტები. ღონისძიებას ესწრებოდნენ საქართველოს დეცენტრალიზაციის პროცესში ჩართული ცენტრალური და ადგილობრივი ხელისუფლების წარმომადგენლები, საერთაშორისო განვითარების ინსტიტუტები, სამოქალაქო საზოგადოების ორგანიზაციები და დეცენტრალიზაციის ექსპერტები.

ღონისძიება მოიცავდა ახალი პარტნიორების წარდგენას და მათთან ურთიერთგაგების მემორანდუმების გაცვლას, რითაც ოფიციალურად გაფორმდა ადიგენის, ასპინძის, დუშეთის, ხაშურის, ლაგოდეხის, ონის, ფოთის, შუახევის, სიღნაღის, წალენჯიხის და ზუგდიდის მუნიციპალიტეტებთან თანამშრომლობის დასაწყისი. მემორანდუმების გაცვლისას, ახალი პარტნიორი მუნიციპალიტეტების მერებს და საკრებულოს თავმჯდომარეებს, საშუალება ჰქონდათ მიემართათ აუდიტორიისთვის და გაეზიარებინათ მოლოდინები პარტნიორობის მიმართ.

ღონისძიება გახსნეს USAID საქართველოს მისიის დემოკრატიის, უფლებების და მმართველობის ოფისის ხელმძღვანელის შემსრულებელმა ლიზა კოვაკმა, პარლამენტის წევრმა და რეგიონული პოლიტიკისა და თვითმმართველობის კომიტეტის თავმჯდომარემ კახა კახიშვილმა, რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა, ფინანსთა მინისტრის მოადგილემ გიორგი კაკაურიძემ, საქართველოს ადგილობრივ თვითმმართველობათა ეროვნული ასოციაციის აღმასრულებელმა დირექტორმა ნინო რუხაძემ და USAID-ის ადგილობრივი თვითმმართველობის პროგრამის ხელმძღვანელმა კევინ მაკლოკლინმა. მომხსენებლებმა ხაზი გაუსვეს ერთობლივი ძალისხმევის მნიშვნელობას, დეცენტრალიზაციის შემდგომი წინსვლის პროცესში.

„მოხარული ვართ, რომ დღეს, ოფიციალურად ვიწყებთ თანამშრომლობას დამატებით 11 მუნიციპალიტეტთან. შედეგად, მუნიციპალიტეტების რაოდენობა, რომლებიც სარგებლობენ USAID-ის ადგილობრივი თვითმმართველობის პროგრამასთან თანამშრომლობით, 28-ამდე გაიზარდა. ჩვენი ადგილობრივი მმართველობის პროგრამა, ეხმარება მუნიციპალიტეტებს საკუთარი მოქალაქეების საჭიროებების გამოვლენაში და უფრო მაღალი ხარისხის საჯარო სერვისების მიწოდებაში, რაც აუმჯობესებს საქართველოში ოჯახებისა და თემების კეთილდღეობას,“ აღნიშნა USAID-ის მისიის, დემოკრატიის, უფლებების და მმართველობის ოფისის ხელმძღვანელის მოვალეობის შემსრულებელმა ლიზა კოვაკმა, პარტნიორობის შესახებ საუბრისას.

მისასალმებელი ნაწილის შემდეგ, მონაწილეებს ჰქონდათ შესაძლებლობა ენახათ მოკლე ვიდეო რგოლი, რომელშიც ხაზგასმულია ადგილობრივი თვითმმართველობის მნიშვნელობა და მიმოხილულია USAID-ის ადგილობრივი თვითმმართველობის პროგრამის მიზნები, რაც ითვალისწინებს საქართველოს მხარდაჭერას, ადგილობრივი დემოკრატიის განმტკიცებასა და კეთილდღეობის დონის ამაღლებაში, დეცენტრალიზაციის და საჯარო მმართველობის რეფორმის განხორციელებასა და ისტორიული მიზნისკენ – ევროკავშირთან ინტეგრაციისკენ სწრაფვაში. ვიდეო პრეზენტაციისას, აღინიშნა ადგილობრივ და ცენტრალურ ხელისუფლებასთან, სამოქალაქო საზოგადოებასთან და კერძო სექტორთან თანამშრომლობით მიღწეული შედეგები. ასევე, ხაზი გაესვა მუნიციპალიტეტებისთვის უფლებამოსილებების და ფინანსური რესურსების გაზრდის მიმართულებით გაწეულ ძალისხმევას, რათა მათ უკეთ უპასუხონ მოქალაქეების საჭიროებებს. გარდა ამისა, ვიდეომ აჩვენა, თუ როგორ უწყობს ხელს პროგრამა ადგილობრივ თვითმმართველობებში ეფექტიანობის და ანგარიშვალდებულების გაუმჯობესებას, მართვის სისტემების და საჯარო სერვისების განვითარების და მოქალაქეებსა და ადგილობრივ ხელისუფლებას შორის თანამშრომლობის გაღრმავების გზით.
წარმატებული თანამშრომლობის გაზიარების გაგრძელების მიზნით, USAID-ის ადგილობრივი თვითმმართველობის პროგრამამ უმასპინძლა პანელურ დისკუსიას რუსთავის, ქუთაისის, ჩოხატაურის და დმანისის მუნიციპალიტეტების წარმომადგენლების მონაწილეობით, რომლებმაც ისაუბრეს პროგრამასთან მუშაობის გამოცდილებასა და მიღწეულ შედეგებზე. აღნიშნული დისკუსია მიზნად ისახავდა ახალი პარტნიორებისთვის დამატებითი ინფორმაციის მიწოდებას, პროგრამის მიერ შეთავაზებული შესაძლებლობების შესახებ.

USAID-ის ადგილობრივი თვითმმართველობის პროგრამა ხუთწლიანი ინიციატივაა, რომელიც თანამშრომლობს 28 მუნიციპალიტეტთან, ცენტრალურ ხელისუფლებასთან, სამოქალაქო საზოგადოებასთან და კერძო სექტორთან, იმისათვის, რომ ხელი შეუწყოს თვითმმართველობებში ეფექტიანობის და ანგარიშვალდებულების გაუმჯობესებას, მართვის სისტემების და საჯარო სერვისების განვითარების და მოქალაქეებსა და ადგილობრივ ხელისუფლებას შორის თანამშრომლობის გაღრმავების გზით. მონაცემებზე დაფუძნებული მიდგომებით და ადვოკატირებით, პროგრამა მუშაობს მუნიციპალიტეტებისთვის უფლებამოსილებების გაზრდაზე და მეტი ფინანსური რესურსის გადაცემაზე, რათა მათ უკეთ უპასუხონ მოქალაქეთა საჭიროებებს.
აშშ-ს საერთაშორისო განვითარების სააგენტოს (USAID) საქართველოსთან პარტნიორობის შესახებ: USAID საქართველოში მუშაობს 1992 წლიდან. ამ დღიდან USAID-მა 1,9 მილიარდი დოლარის ინვესტირება განახორციელა, რაც მიზნად ისახავს ეფექტური და ანგარიშვალდებული საჯარო ინსტიტუციების შექმნას; გაუმჯობესებულ განათლებას, ჯანდაცვას და სხვა საჯარო სერვისებს; ეკონომიკას, რომელიც ქმნის სამუშაო ადგილებს და კეთილდღეობას მოსახლეობისთვის; ასევე მოქალაქეებზე ორიენტირებულ დემოკრატიულ პროცესებს. ამჟამად, USAID 40 პროგრამას ახორციელებს: ეკონომიკური ზრდის, ენერგეტიკული უსაფრთხოების, განათლების, დემოკრატიული მმართველობის და მრავალი სხვა მიმართულებით. ყველა პროგრამა საქართველოს შიდა პრიორიტეტების საფუძველზე ირჩევა და მიზნად ისახავს ქვეყანის უსაფრთხოების, კეთილდღეობისა და დემოკრატიის გაძლიერებას, რათა საქართველომ გააგრძელოს ევროკავშირში ინტეგრაცია.

სამწუხაროდ ქართული ოცნება განაგრძობს ქვეყნის ინტერესების დაზიანებას და შეგნებულად უქმნის პრობლემას საერთაშორისო ორგანიზაციების დახმარებას საქართველოსადმი. USAID და სხვა დასავლური, დემოკრატიის მშენებლობისკენ მიმართული ორგანიზაციები, რუსული კანონის მიღების შემდგომ აღმოჩნდებიან უცხოური გავლენის მქონე აგენტები, რაც მნიშვნელოვნად დააზიანებს დასავლური სიკეთეების შემოსვლას საქართველოში. ყველამ ერთად, გაერთიანებული ძალებით უნდა შევუშალოთ ხელი რუსული კანონის მიღებას, რადგან საქართველოს მომავალი ევროპაშია. არა რუსულ კანონს!“ ნათქვამია წალენჯიხის მერიის მიერ გავრცელებულ ინფორმაციაში.

ჭალეს ადმინისტრაციული ერთეულის სოფელ ეწერფერდში შიდა საავტომობილო გზის 2,934 კმ მანძილზე სარეაბილიტაციო სამუშაოები დაიწყო. ინგორმაციას წალენჯიხის მერია ავრცელებს.

„პროექტის ღირებულება შეადგენს 1 577 777 ლარს. პროექტი გარდამავალია და ის 2026 წელს დასრულდება. წლების მანძილზე სოფლის გზა პრობლემური იყო, რაც მოსახლეობის გულისწყრომას იწვევდა.

ადგილობრივი ხელისუფლების ძალისხმევითა და ცენტრალური ხელისუფლების მხარდაჭერით აღნიშნული პროექტი დაფინანსდა და სამუშაოების პირველი ეტაპის განხორციელება დაიწყო, ამ ეტაპზე გზის ვაკისის მოხსნა მიმდინარეობს” – ნათქვამია წალენჯიხის მერიის მიერ გვარცელებულ ინფორმაციაში.

წალენჯიხაში რეკრეაციული ზონების მოწესრიგება მიმდონარეობს, ინფორმაციას წალენჯიხის მერია ავრცელებს.

„გუგე ცანავას სახელობის პარკში დაზიანებული ინვენტარი განახლადა. პარკის ტეტიტორიაზე 37 ახალი დასასვენებელი სკამი და ურნა განთავსდება.

ქალაქის რეკრეაციულ ზონებში დასასვენებელი სკამები და სხვადასხვა ინვენტარი ეტაპობრივად გამოიცვლება-აცხადებს წალენჯიხის მერი გიორგი ხარჩილავა.

მისივე განცხადებით, ჩვენი პრიორიტეტი არის რაც შეიძლება ბევრი მწვანე სივრცე შევქმნათ,რათა ადამიანებს ჰქონდეთ შესაძლებლობა თავის შვილებთან ერთად, დაისვენონ, გაერთონ.

„წალენჯიხას ესთეტიკურად დახვეწილი ინვენტარი უხდება” -აცხადებს ხარჩილავა“ – ნათქვამია წალენჯიხის მერიის მიერ გავრცელებულ ინფორმაციაში.

წალენჯიხის მუნიციპალიტეტის მერი, გია ხარჩილავა ფოცხოეწერის მოსახლეობას შეხვდა – ამის შესახებ ინფორმაციას წალენჯიხის მერია ავრცელებს.

„წალენჯიხის მუნიციპალიტეტის მერიას ხშირი კომუნიკაცია აქვს ფოცხოეწერში მცხოვრებ მოსახლეობასთან, ისევე როგორც მუნიციპალიტეტის ფარგლებში ნებისმიერ დასახლებასთან. ფოცხოეწერის მოსახლეობის მოთხოვნით, პირველ ეტაპზე რეაბილიტირდა საავტომობილო გზა, მოწესრიგდა ჩამდინარე წყლები – ანუ კანალიზაცია.“ – წერია მერიის მიერ გავრცელებულ ინფორმაციაში.

მერიისვე ცნობით ფოცხოეწერში მცხოვრები მოქალაქეების პრობლემას ასევე შეადგენდა სასმელი წყლით უზრუნველყოფა.

„ფოცხოეწერის დასახლება სასმელ წყალს 200 მ სიღრმიდან ღებულობს და მას ემსახურებოდა 70-იან წლებში დამონტაჟებული ძრავები, რომლებიც სრულიად ამორტიზირებული გახლდათ. ხშირად გამოდიოდა მწყობრიდან და შეკეთების მომენტში მოსახლეობა უწყლოდ რჩებოდა.

წალენჯიხის მუნიციპალიტეტის მერიამ სწრაფად მიიღო ამჯერადაც გადაწყვეტილება, ჩატარდა დაპროექტების სამუშაოები და შეძენილ იქნა 2 ახალი ძრავი, რომელიც დამონტაჟდა, გამოიცადა და დღეს მოსახლეობა სრულად იქნა უზრუნველყოფილი”- აღნიშნა გიორგი ხარჩილავამ.

პროექტის ღირებულება 55 ათას ლარს შეადგენს. ფოცხოეწერის დასახლებაში მცხოვრები მოსახლეობა კი სასმელი წყლით სრულად იქნება უზრუნველყოფილი.“ – წერია წალენჯიხის მუნიციპალიტეტის მიერ გავრცელებულ ინფორმაციაში.

წალენჯიხის მუნიციპალიტეტის ფახულანის ადმინისტრაციული ერთეულის, ქალაღალის უბანში სამანქანე გზის სარეაბილიტაციო სამუშაოები 4 კმ მანძილზე აქტიურად მიმდინარეობს. ინფორმაციას წალენჯიხის მერია ავრველებს.

უწყებისვე ინფორმაციით: „სახარჯთაღრიცხვო ღირებულება შეადგენს – 2 109 081 ლარს.

წალენჯიხის მუნიციპალიტეტის მერი გიორგი ხარჩილავა ქალაღალის უბანში იმყოფებოდა და სარეაბილიტაციო სამუშაოებს ადგილზე გაეცნო.

„ქალაღალიდან ძალიან ახლოს არის საოკუპაციო გამყოფი ხაზი. მუნიციპალიტეტის მერიის და ზოგადად სახელმწიფოს ერთ-ერთ მთავარ დანიშნულებად მიმაჩნია ხაზის მიმდებარედ მცხოვრები მოსახლეობის სრული მხარდაჭერა რაც უნდა გამოიხატოს მათთვის გამართული ინფრასტრუქტურის შექმნაში. ამ მიმართულებით, მთავარი არის გზა, მუნიციპალიტეტის მერიამ გადაწყვიტა ეს საკითხი და გზის მშენებლობა დაწყებულია.

ეს მოსახლეობა 40-მდე კომლი,წლიდან-წლამდე,არჩევნებიდან არჩევნებამდე შეაჩვიეს ცრუ დაპირებებს.

პირველივე დღიდან ჩვენი პრიორიტეტი გახდა სწორედ საოკუპაციო ხაზის მიმდებარე მოსახლეობის მხარდაჭერა და ამ გზის მშენებლობა ძალიან სწრაფად და ეფექტურად მიმდინარეობს.

ჩვენ უნდა ვფიქრობდეთ გრძელვადიანი პერსპექტივებით და ყველა პირობას უნდა ვუქმნიდეთ მოსახლეობას, სოფლის მოსახლეობას,რომ ისინი არ მოწყდნენ სოფელს , დარჩნენ სოფელში, გააძლიერონ საკუთარი მეურნეობა და მათ გააძლიერონ ზოგადად,ქართული სახელმწიფო”- განაცხადა გიორგი ხარჩილავამ.” წერია წალენჯიხის მერიის მიერ გავრცელებულ ინფორმაციაში.

წალენჯიხაში, აუტიზმის ცენტრი გაიხსნება. ცენტრი, პირველ ეტაპზე, აუტისტის სპექტრის ბენეფიციარებს მოემსახურება. ინფორმაციას წალენჯიხის მერია ავრცელებს.

„ცენტრში, რომელიც მერიის დაქვედებარებაში იქნება, მნიშვნელოვანია, რომ ბავშვები სხვადასხვა თერაპიას სრულიად უფასოდ მიიღებენ.

„კვლევებით გამოიკვეთა, რომ სარეაბილიტაციო ცენტრის არსებობა წალენჯიხაში აუციელებლია. მსგავსი ცენტრი ზუგდიდში არსებობს, რომლის ბენფიციარიც 12 წალენჯიხელი ბავშვია, თუმცა, რეალურად, მსგავსი ტიპის მომსახურეობა ჩვენს მუნიციპალიტეტში სამჯერ მეტს სჭირდება”, – ამბობს წალენჯიხის მერის მოადგილე ივანე ბურდული.“ – ინფორმაციას წალენჯიხის მერია ავრცელებს.