დიანმოს თასების მფლობელთა თასი ზუგდიდში
ზუგდიდში დღეს ლეგენდარულ ქართველ ფეხბურთელთან ოთარ გაბელიასთან შეხვედრა გაიმართა. დღეს ზუგდიდში სპეციალურად ამ დღისთვის, დინამო თბილისის მიერ 1981 წელს მოპოვებული თასების მფლობელთა თასი იყო წარმოდგენილი. თასთან ფოტოების გადაღება სარამოზე მოსულ ნებისმიერ მსურველს შეეძლო.
1981 წლის 13 მაისს დიუსელდორფის „რეინშტადიონზე“ ქართული ფეხბურთის ისტორია დაიწერა – თბილისის „დინამომ“ გერმანიის დემოკრატიული რესპუბლიკის გუნდი, იენის „კარლ ცაისი“ 2:1 დაამარცხა და თასების მფლობელთა თასის გამარჯვებული გახდა.
„დინამომ“ ფინალამდე რამდენიმე მეტოქე ჩამოიცილა. 1/16-ფინალში საბერძნეთის „კასტორია“ დაამარცხა, 1/8-ფინალში – ირლანდიური „უოტერფორდი“, 1/4-ფინალში – ლონდონის „ვესტ ჰემი“, 1/2 ფინალში კი – როტერდამის „ფეინოორდი“.
თბილისის „დინამოსთვის“ ევროპული თასის მოპოვება ყველაზე მნიშვნელოვანი ტიტულია. ფინალში ანგარიში გერმანელებმა 63-ე წუთზე გერჰარდ ჰოპეს გოლით გახსნეს. ოთხ წუთში ვლადიმერ გუცაევმა წონასწორობა აღადგინა, ხოლო მატჩის დასრულებამდე სამი წუთით ადრე (87) ვიტალი დარასელიამ გამარჯვების გოლი გაიტანა.
ოთარ გაბელია ზუგდიდელია, მან კარიერა ზუგდიდის დინამოში დაიწყო. ოთარ გაბელია, დინამო თბილისის მეკარე იყო, როდესაც გუნდი 1981 წელს თასების მფლობელთა თასის გამარჯვებული გახდა.
თასების მფლობელთა თასი საფეხბურთო კლუბ თბილისის დინამოს მუზეუმშია დაცული.
ამავე თემაზე:
ზუგდიდში ლეგენდარული ფეხბურთელის ოთარ გაბელიას წიგნის პრეზენტაცია გაიმართა [ფოტო]
![ლეგენდარული ქართველი ფეხბურთელი მშობლიურ ზუგდიდში [კომენტარები]](/_next/image?url=https%3A%2F%2Fapi.stv.ge%2Fuploads%2F2026%2F02%2Ftv__________________________________________________________________________________________________2026_00_01_08_33_still002-1770049783668.jpg&w=3840&q=75)
![ზუგდიდში ლეგენდარული ფეხბურთელის ოთარ გაბელიას წიგნის პრეზენტაცია გაიმართა [ფოტო]](/_next/image?url=https%3A%2F%2Fapi.stv.ge%2Fuploads%2F2026%2F02%2F623550277_1317312403757444_8588264175123660886_n-1770045401251.jpg&w=3840&q=75)