აბაშელი პირველკლასელები აქციას - „ჩემი პირველი ნერგი“ შეუერთდნენ
აბაშელი პირველკლასელები „ჩემი პირველი ნერგის“ აქციას შეუერთდნენ, რომლის ფარგლებშიც 184 ძირი სხვადასხვა სახეობის ნერგი დარგეს.
ნერგების დარგვის პროცესს მერიისა და საგანმანათლებლო რესურსცენტრის წარმომადგენლებიც შეუერთდნენ.
პროგრამა „ჩემი პირველი ნერგი“ საქართველოს პრემიერ - მინისტრის, ირაკლი კობახიძის მიერ ხელმოწერილი განკარგულების საფუძველზე ხორციელდება და მასში ქვეყნის მასშტაბით 41 000-ზე მეტი პირველკლასელი მიიღებს მონაწილეობას.
პროგრამის განხორციელებაში ჩართული არიან საქართველოს გარემოს დაცვისა და სოფლის მეურნეობის სამინისტრო და მისი სსიპ გარემოსდაცვითი ინფორმაციისა და განათლების ცენტრი, საქართველოს განათლების, მეცნიერებისა და ახალგაზრდობის სამინისტრო, თბილისის მერია, სახელმწიფო რწმუნებულების ადმინისტრაციები და მუნიციპალიტეტები.
აქცია „ჩემი პირველი ნერგი“ მიზნად ისახავს, ადრეული ასაკიდანვე ხელი შეუწყოს ბავშვებში გარემოზე ზრუნვისა და ბუნებისადმი პასუხისმგებლიანი დამოკიდებულების ჩამოყალიბებას.
