ჩემი პირველი ნერგი - პირველკლასელებმა ზუგდიდის ბოტანიკურ ბაღში ნერგები დარგეს
ზუგდიდში, საქართველოს პრემიერ-მინისტრ ირაკლი კობახიძის მიერ ინიცირებული პროგრამის ,,ჩემი პირველი ნერგის’’ განხორციელება დაიწყო.
ნერგების დარგვის პროცესს ბოტანიკურ ბაღში ზუგდიდის მერი დავით კოდუა შეუერთდა.
მერმა პროგრამის განხორციელებაში ჩართულ ყველა მხარეს მადლობა გადაუხადა და აღნიშნა, რომ პროგრამა ხელს შეუწყობს ბავშვების გარემოზე ზრუნვას და პასუხისმგებლობის გაძლიერებას.
პროგრამა „ჩემი პირველი ნერგი“ საქართველოს პრემიერ-მინისტრის, ირაკლი კობახიძის მიერ ხელმოწერილი განკარგულების საფუძველზე ხორციელდება და მასში ქვექნის მასშტაბით 41 000-ზე მეტი პირველკლასელი მიიღებს მონაწილეობას.
პროგრამის განხორციელებაში ჩართულია საქართველოს გარემოს დაცვისა და სოფლის მეურნეობის სამინისტრო და მისი სსიპ გარემოსდაცვითი ინფორმაციისა და განათლების ცენტრი, საქართველოს განათლების, მეცნიერებისა და ახალგაზრდობის სამინისტრო, თბილისის მერია, სახელმწიფო რწმუნებულების ადმინისტრაციები და მუნიციპალიტეტები.
,, ჩემი პირველი ნერგის” პირველკლასელებში ადრეული ასაკიდან გარემოზე ზრუნვისა და ბუნებისადმი პასუხისმგებლიანი დამოკიდებულების ჩამოყალიბებას შეუწყობს ხელს.
