დათო კოდუა: „ქართული ოცნების“ ხელისუფლებაში მოსვლის შემდეგ ზუგდიდში ძალიან ბევრი კარგი პროექტი განვახორციელეთ
„ქართული ოცნების“ ზუგდიდის მერობის კანდიდატი დათო კოდუა, მოქალაქეებთან აქტიურ შეხვედრებს აგრძელებს.
მერობის კანდიდატი დღეს ჩიქოვანისა და ყურწუას ქუჩების მოსახლეობას შეხვდა, სამომავლო გეგმები გააცნო და მათი საჭიროებები და იდეები მოისმინა.
„მოქალაქეებთან აქტიური შეხვედრების პროცესი გრძელდება. დღესაც ჩიქოვანის და ყურწუას ქუჩებზე ვისაუბრეთ მომავალ გეგმებზე, მოქალაქეებისგან მოვისმინეთ საჭიროებები და მათი იდეები – უკეთესი ზუგდიდისთვის.
„ქართული ოცნების“ ხელისუფლებაში მოსვლის შემდეგ ზუგდიდში ძალიან ბევრი კარგი პროექტი განვახორციელეთ, ამას მოქალაქეები თავადვე გრძნობენ. დღეს ზუგდიდი არის მუნიციპალიტეტი უკეთესი ჯანდაცვითა და სოციალური პროგრამებით, განათლების ახალი სასწავლო სივრცეებით, უფრო მაღალი ეკონომიკური აქტივობით, მეტად მოწესრიგებული ინფრასტრუქტურით და ეს ჩვენ ერთად, ცენტრალური ხელისუფლების დიდი მხარდაჭერითა და მოქალაქეების გვერდში დგომით შევძელით!
პროცესი კიდევ უფრო მეტი შემართებით გაგრძელდება! ჩვენ თვისობრივად განახლებული ზუგდიდის განვითარებას კონკრეტული სამოქმედო გეგმის შესაბამისად ვაპირებთ”-აღნიშნა დათო კოდუამ.
მოქალაქეებთან გამართულ შეხვედრებს საქართველოს პარლამენტის წევრი გრეტა წიწავა, ზუგდიდის მერი მამუკა წოწერია და ზუგდიდის საკრებულოს მაჟორიტარობის კანდიდატი ზვიად ჯიჭონაია ესწრებოდნენ.
