საბავშო არქეოლოგია – პროექტი ნოქალაქევში მეთერთმეტედ ხორციელდება
პარმენ ზაქარაიას სახელობის ნოქალაქევის არქეოლოგიურ-არქიტექტურულ მუზეუმ-ნაკრძალში, სენაკის მუნიციპალიტეტის მერიის ორგანიზებითა და საგანმანათლებლო რესურსცენტრის ჩართულობით, საგანმანათლებლო პროექტი ,,საბავშვო არქოლოგია’’ მიმდინარეობს. ინფორმაციას სენაკის მერია ავრცელებს.
იმიტირებულ გათხრებში დღეს მონაწილეობა სენაკის პირველი საჯარო სკოლის მოსწავლეებმა მიიღეს.
,,საბავშვო არქეოლოგიის’’ ფარგლებში მიმდინარე იმიტირებული გათხრების პროცესს სენაკის მუნიციპალიტეტის მერიის განათლების, კულტურის, სპორტისა და ახალგაზრდობის სამსახურის უფროსი გივი მისაბიშვილი და პროექტის ავტორი და ორგანიზატორი, მერიის განათლების, კულტურის, სპორტისა და ახალგაზრდობის სამსახურის სპეციალისტი ირმა კუპრეიშვილი ესწრებოდნენ.
პროექტი ,,საბავშვო არქეოლოგია“ 11 წელია არსებობს და ნოქალაქევის არქეოლოგიურ-არქიტექტურულ მუზეუმ-ნაკრძალსა და მცხეთის არქეოლოგიურ სახელმწიფო მუზეუმ-ნაკრძალში საგანგებოდ მოწყობილ ველზე ხორციელდება, რაც სასწავლო-შემეცნებით არქეოლოგიურ გათხრებს გულისხმობს.
მიმდინარე წელს, ერთი თვის მანძილზე, პროექტში სენაკის საჯარო სკოლების მე-6 და მე-7 კლასების 255 მოსწავლე ჩაერთო.
მოსწავლეებთან ერთად პროექტში ჩართულები იყვნენ სკოლების საზოგადოებრივ მეცნიერებათა კათედრების პედაგოგები და კლასის დამრიგებლები.
მოსწავლეებს, საგაკვეთილო პროცესის დასრულების შემდეგ, საშუალება ჰქონდათ, გასცნობოდნენ არქეოლოგიის საველე საქმიანობის სპეციფიკას და ამ საქმიანობისთვის აუცილებელი უნარ-ჩვევები გამოემუშავებინათ.
პროექტში ჩართულ ყველა მოსწავლეს ,,ნორჩი არქეოლოგის“ სერტიფიკატი გადაეცა.
