ეკატერინე ფარულავა – „გემო ფესტი“ სამეგრელოსთვის არის ახალი ვიზიტორების მოზიდვა, ტურისტული და ეკონომიკური ინტერესის გაძლიერება
ტურიზმის ეროვნული ადმინისტრაციის ორგანიზებით, 7-8 სექტემბერს, სამეგრელოში, პირველად, „გემო ფესტი“ გაიმართა.
ამის შესახებ ინფორმაციას ტურიზმის ეროვნული ადმინისტრაცია ავრცელებს.
როგორც „გემო ფესტის“ ერთ-ერთი მონაწილე და კოპეშონის წარმომადგენელი ეკატერინე ფარულავა აცხადებს, აღნიშნული ფესტივალი რეგიონში ახალ ვიზიტორებს მოიზიდავს.
„გემო ფესტი“ ძალიან სასურველი ფესტივალია სამეგრელოსთვის. საინტერესო გამოცდილება მივიღე, როგორც მონაწილემ და მეწარმემ. ეს ჩემთვის პირველი დიდი ღონისძიებაა, სადაც სულ სხვა კუთხით ვიყავი წარმოდგენილი. „გემო ფესტი სამეგრელოსთვის ეს არის ახალი ვიზიტორების მოზიდვა, ტურისტული და ეკონომიკური ინტერესის გაძლიერება. ფესტივალში მონაწილეობა ჩემთვის ახალი გამოცდილებაა, რაც ძალიან საინტერესო იყო“,- აცხადებს ეკატერინე ფარულავა.
ტურიზმის ეროვნული ადმინისტრაციის ცნობით, „გემო ფესტი“ სამეგრელოში პირველად გაიმართა. ზუგდიდში „გემო ფესტის“ მონაწილეებს შესაძლებლობა ჰქონდათ წარმოედგინათ ტრადიციული, იშვიათი და ნაკლებად ცნობილი მეგრული კერძები.
„გემო ფესტის“ ფარგლებში, ზუგდიდში, ბოტანიკურ ბაღში კვების ზონა, აგრო ბაზარი, საბავშვო გასართობი კუთხე მოეწყო.
„გემო ფესტის“ სტუმრებს საშუალება ჰქონდათ დიდ ეკრანზე საქართველო-ჩეხეთის საფეხბურთო მატჩისთვის ეყურებინათ, მოესმინათ ჯგუფი მგზავრებისა და სხვა ქართველი შემსრულებლებისთვის.
„გემო ფესტის“ მიზანია, საქართველოს რეგიონებში ადგილობრივი სამზარეულოს პოპულარიზაცია, მეწარმეების/ოჯახების ხელშეწყობა, შიდა და საერთაშორისო მოგზაურების ნაკადების ზრდა,“- ნათქვამია ინფორმაციაში.
მსგავსი სიახლეები
პრემიერი: გამოწვევების მიუხედავად ვახერხებთ, რომ ლარი არის სტაბილური, ორნიშნა ეკონომიკური ზრდა გვაქვს, 220 000 ახალი სამუშაო ადგილი შეიქმნა ბოლო ორ წელიწადში
კონჩიტას ახალი იმიჯი და ზეპოპულარული ახალი კლიპი
