წალენჯიხას სტიქიური მოვლენების შედეგების სალიკვიდაციოდ ცენტრალურმა მთავრობამ 2 780 000 ლარი გამოუყო
მთავრობის განკარგულებით დღეს სტიქიური მოვლენების შედეგების სალიკვიდაციო ღონისძიებების განხორციელების მიზნით გამოყოფილი თანხიდან 2 780 000 ლარი წალენჯიხას ერგო.
სამეგრელო-ზემო სვანეთის სახელმწიფო რწმუნებულის ადმინისტრაციაში STV-ს განუცხადეს, რომ თანხა მოხმარდება წალენჯიხის მუნიციპალიტეტის სოფელ საჩინოში ნაგურუს ხიდის მეორე ეტაპის სამუშაოების წარმოებას, ჩქვალერის ავარიული გზის რეაბილიტაციას და სტიქიური მოვლენების შედეგად დაზიანებული სხვა ინფრასტრუქტურის აღდგენას.
შეგახსენებთ, რომ დღესვე წლის თებერვალში ძლიერი ქარის შედეგად დაზარალებული მოსახლეობისთვის (მთლიანად ან ნაწილობრივ დაზიანებული კერძო სახლები) კომპენსაციის გაცემის მიზნით, საქართველოს მთავრობის სარეზერვო ფონდიდან ჩხოროწყუს, წალენჯიხის და მარტვილის მუნიციაპლიტეტებისთვის 681 000 ლარი გამოიყო.
მსგავსი სიახლეები
სტიქიური მოვლენების შედეგების სალიკვიდაციოდ, მუნიციპალიტეტებისთვის 104 877 000 ლარი გამოიყო
სტიქიის სალიკვიდაციო სამუშაოებისა და მოსახლეობის კომპენსაციისთვის სამეგრელოს მუნიციპალიტეტებს მთავრობამ 6 780 000 ლარი გამოუყო
