ჯანდაცვის სამინისტრო – 4 ოქტომბერს განვითარებული მოვლენების შედეგად, სამედიცინო დაწესებულებებში გადაიყვანეს აქციის ექვსი მონაწილე და 21 სამართალდამცველი
04.10.2025 / 4 ოქტომბერი 2025
ჯანდაცვის სამინისტროს ინფორმაციით, თბილისში, 4 ოქტომბერს განვითარებული მოვლენების შედეგად, სამედიცინო დაწესებულებებში სასწრაფო დახმარების ჯგუფებმა დაშავებული აქციის ექვსი მონაწილე და 21 სამართალდამცველი გადაიყვანეს.
უწყების ცნობითვე, სასწრაფო დახმარების ჯგუფებმა 30-მდე პირს ადგილზე გაუწიეს სამედიცინო დახმარება.
„ჰოსპიტალიზებულ დაშავებულებს სხვადასხვა სახის დაზიანება აღენიშნებათ. ერთ-ერთი პოლიციელის ჯანმრთელობის მდგომარეობა მძიმეა.
დაშავებულთა ნაწილს სამედიცინო გამოკვლევები უტარდება და ექიმების მეთვალყურეობის ქვეშ რჩებიან“, – აღნიშნულია ჯანდაცვის სამინისტროს ინფორმაციაში.
მსგავსი სიახლეები
ჯანდაცვის სამინისტრო: 7 დეკემბერს საპროტესტო აქციიდან სამედიცინო დაწესებულებებში აქციის 14 ადამიანი გადაიყვანეს – კლინიკებში მკურნალობას 3 პაციენტი აგრძელებს
აქციის მონაწილე მძღოლები გუბერნატორს და მერს შეხვდნენ
