14 მარტს მთვარის დაბნელება იქნება
მთვარე 14 მარტს დედამიწის ჩრდილში მოექცევა, რის შედეგადაც მისი გარკვეული ნაწილი დაბნელდება და წითლად შეიფერება. ამ მოვლენას „სისხლიან მთვარეს“ უწოდებენ. ინფორმაციას BBC ავრცელებს.
მთვარის დაბნელების დანახვა პლანეტის ნებისმიერი წერტილიდანაა შესაძლებელი, სადაც ამ მოვლენის დროს დედამიწის თანამგზავრი ჰორიზონტზე მოჩანს.
ჩრდილოეთ და სამხრეთ ამერიკის, ასევე დასავლეთ გრენლანდიის მაცხოვრებლებს მთვარის დაბნელების სრული სურათის ხილვა შეეძლებათ.
მთვარის დაბნელება მაშინ ხდება, როდესაც დედამიწა პირდაპირ მზესა და მთვარეს შორის გადის, ბლოკავს მზის შუქს და ჩრდილავს მთვარის ზედაპირს.
სპეციალისტები მთვარის დაბნელების სამ სახეობას გამოყოფენ: მთვარის სრული დაბნელება (როდესაც მთვარე დედამიწის ჩრდილში ხვდება და წითელ ფერს იძენს), მთვარის ნაწილობრივი დაბნელება (როდესაც დედამიწის ჩრდილში მხოლოდ მთვარის ნაწილი ხვდება) და მთვარის ნახევარ ჩრდილოვანი დაბნელება (როდესაც მთვარემ, დედამიწის ჩრდილის გარე ნათელ ნაწილში გაიარა).
მსგავსი სიახლეები
ედიშერ თოლორია – დარწმუნებული ვარ, რომ ზუგდიდი, ხვალ იქნება იქნება მოწოდების სიმაღლეზე
ბიძინა ივანიშვილი: არჩევნების მეორე დღე იქნება ძალიან წყნარი, ოღონდ აქვე გავუსვამ ხაზს, რომ ყველა დღეს, სანამ ომი არ დასრულდება, შეიძლება პირობითად „მეორე დღე“ უწოდო, იმიტომ, რომ იქნება ძალიან დაძაბული ველი
