შალვა პაპუაშვილი: მივესალმები სამივე საკადრო გადაწყვეტილებას. ჩვენი კოლეგები, რომლებიც წლებია ამ სფეროებში არიან წინა ხაზზე, რა თქმა უნდა, გააძლიერებენ როგორც სამინისტროებს თავად, ასევე, ამ მიმართულებებს
25.11.2024 / 25 ნოემბერი 2024
მივესალმები სამივე საკადრო გადაწყვეტილებას, – განაცხადა ჟურნალისტებთან საუბრისას საქართველოს პარლამენტის თავმჯდომარე შალვა პაპუაშვილმა.
„ჩვენი კოლეგები, რომლებიც წლებია ამ სფეროებში არიან წინა ხაზზე, რა თქმა უნდა, გააძლიერებენ როგორც სამინისტროებს თავად, ასევე, ამ მიმართულებებს. ასე რომ მინდა აქედანვე მათ მივულოცო ნომინირება. პარლამენტი მზად არის განიხილოს მთავრობის შემადგენლობა და მიმდინარე კვირას დაამტკიცოს ახალი მთავრობა“, – აღნიშნა შალვა პაპუაშვილმა.
პრემიერ-მინისტრმა მთავრობის ადმინისტრაციაში დღეს გამართულ ბრიფინგზე საგარეო საქმეთა მინისტრის თანამდებობაზე მაკა ბოჭორიშვილის კანდიდატურა წარადგინა, გარემოს დაცვისა და სოფლის მეურნეობის მინისტრად დავით სონღულაშვილი დაასახელა, იუსტიციის მინისტრის თანამდებობაზე კი – ანრი ოხანაშვილი.
მსგავსი სიახლეები
გიორგი გახარია: “ზვიად გამსახურდიას, ისევე როგორც მერაბ კოსტავას სახელები უკავშირდება პირველ რიგში ეროვნულ-გამათავისუფლებელ მოძრაობას, ჩვენი ქვეყნის დამოუკიდებლობას და რა თქმა უნდა, პირველ პრეზიდენტს”
შალვა პაპუაშვილი: მას შემდეგ, რაც რეკომენდაციები შესრულდება, ჩვენი მოლოდინია, რომ ევროკავშირმა შეძლებისდაგვარად სწრაფად მისცეს ამ პროცესს შეფასება და მიიღოს შესაბამისი გადაწყვეტილება
