წალენჯიხის მერი განცხადებას ავრცელებს
წალენჯიხის სოლიდარობისა და მშვიდობის ფონდი, რომელიც წალენჯიხის მუნიციპალიტეტის მერის, გიორგი ხარჩილავას ინიციატივით დაფუძნდა, უკრაინიდან დევნილ ოჯახს დაეხმარა. იმფორმაციას წალენჯიცოს მერია ავრცელებს.
,,ცოლ-ქმარ ტატიანა და თეიმურაზ ფიფიებს მერი, გიორგო ხარჩილავა შეხვდა.
ტარიელ ფიფია, რომელიც მეორედაა უკვე რუსეთის დამპყრობელი ომების გამო დევნილი, ჰყვება რომ აფხაზეთში გაიზარდა, 1992 წელს ტყვედ აიყვანეს რუსმა ჯარისკაცებმა, 28 დღე დაჰყო ტყვეობაში, დაკარგა მამისეული სახლი. ჰყვება, რომ იმ პერიოდში უკრაინა ძალიან დაეხმარა და დაუდგა გვერდით
ახლა, ამჯერად უკვე უკრაინიდანაა დევნილი, ისევ რუსეთის თავდასხმის გამო, ამბობს, რომ მისი ვაჟი 7 წელი და 2 თვეა რაც უკვე რუსეთის წინააღმდეგ იბრძვის, იბრძვის მისი შვილიშვილიც, ასევე ქალიშვილი და სიძე.
წალენჯიხის მერმა ოჯახს დახმარება აღუთქვა და თქვა:
“ბატონი თეიმურაზი წარმოშობით ობუჯელი გახლავთ, ჰყავს უკრაინელი მეუღლე და რუსეთის უკრაინაში აგრესიის შემდგომ იძულებული გახდა დაეტოვებინა უკრაინა. ეს კიდევ ერთი ადამიანური ტრაგედიაა, რომელსაც რომელსაც ჩვენი მეზობელი რუსეთი იწვევს მეზობელ ქვეყანებში, სადაც უმოწყალოდ ხოცავს და აუბედურებს ოჯახებს.
ბატონ თეიმურაზს, რომელსაც ძალიან საინტერესო, ვაჟკაცური ბიოგრაფია აქვს, პირველი დღეებიდანვე ვეხმარებოდით საორგანიზაციო საკითხებში, საცხოვრებელი ფართის შერჩევაში.
წალენჯიხელებო, სწორედ თქვენი დახმარებით, თქვენი გაღებული თანხებით ფუნქციონირებს წალენჯიხის სოლიდარობისა და განვითარების ფონდი.
პირველი ჰუმანიტარული დახმარება საქართველოდან უკრაინაში, წალენჯიხიდან გაიგზავნა – გენერატორი დამეგობრებულ ქალაქ იავოროვში. გასულ წელს მოსახლეობამ კიდევ ერთი მადლიანი საქმე გააკეთა და ომში დაღუპულ იავოროვის 40 ოჯახის დაობლებულ ბავშვებს გავუგზავნეთ დახმარება.
ახლა გვაქვს შესაძლებლობა ამ ოჯახსაც დავეხმაროთ ფინანსურად, რათა ელემენტარული საყოფაცხოვრებო პირობები გაიუმჯობესონ.
ეს თქვენი გაწეული დახმარებაა ჩემო ძვირფასო წალენჯიხელებო, რისთვისაც კიდევ ერთხელ გეუბნებით მადლობას და მეამაყებით.” წერია მერიის მიერ გავრველებულ ინფორმაციაში.
