გახარია: ზოგიერთები გამახსენებთ 20 ივნისს, არ მჭირდება
ყოფილი პრემიერ მინისტრი გიორგი გახარია, რომელიც ახლა ოპოზიციურ პარტია ,,საქართველოსთვის” ხელმძღვანელია განცხადებას ავრცელებს.
“ივანიშვილმა მშვიდობიან მომიტინგეებს არალეგიტიმური ძალა დაუპირისპირა. ზოგიერთები გამახსენებთ 20 ივნისს. არ მჭირდება, არც 20 ივნისს დავმალულვარ და ამოვფარებულვარ პოლიციელების ზურგს, ან თანამდებობას, ისე როგორც დღეს ეს პატარა მშიშარა ბიჭები იმალებიან, არც “ბასიანის” მოვლენებისას მიმიტოვებია ახალგაზრდები და პანკისშიც ხალხსა და პოლიციას შორის ვიდექი.
ამიტომ, მივმართავ პოლიციელებს – თქვენ ფიცი ქვეყნის და მოქალაქეების წინაშე გაქვთ დადებული და არა პარტიის წინაშე. ესენი თქვენ ზურგს უკან დაიმალებიან, მომავლის საწინააღმდეგოდ პირისპირ დაგტოვებენ ხალხთან” – წერს გახარია.
გიორგი გახარიას მოწინააღმდეგეები, წლების წინ სწორედ 20 ივნისს ახალგაზრდების დარბევის, ,,ბასიანში” შეჭრისა და პანკისში სპეცოპერაციისთვის აკრიტიკებდნენ.
![როგორ ვითარდებოდა 20 ივნისს მოვლენები? – კადრები, რომელიც არ გინახავთ [ვიდეო]](https://api.stv.ge/uploads/2019/06/64916325_10217216559759937_126502785620377600_o-1024x768.jpg)
