შოვში სამაშველო სამშაოების დროს გარდაცვლილი სამხედრო ზუგდიდელია
შოვში მიმდინარე სამაშველო სამუშაოების დროს, თავდაცვის ძალების ეროვნული გვარდიის მე-10 ტერიტორიული თავდაცვის ბრიგადის უფროსი ინსტრუქტორი, 1973 წელს დაბადებული თემურ გენოს ძე ხარჩილავა, სავარაუდოდ გულის შეტევით გარდაიცვალა. ინფორმაციას თავდაცვის სამინისტრო ავრცელებს. გარდაცვლილი სამხედრო ზუგდიდის მუნიციპალიტეტიდანაა, ის კომბინატის დასახლებაში ცხოვრობდა.
“საქართველოს თავდაცვის სამინისტრო ღრმა მწუხარებას გამოთქვამს თავდაცვის ძალების ეროვნული გვარდიის მე-10 ტერიტორიული თავდაცვის ბრიგადის უფროსი ინსტრუქტორის, 1973 წელს დაბადებული თემურ გენოს ძე ხარჩილავას გარდაცვალების გამო. 2023 წლის 29 აგვისტოს, სასწავლო ცენტრი “სორტას“ მე-2 სასწავლო კურსის ინსტრუქტორი ონის მუნიციპალიტეტში, შოვში სამსახურებრივ მოვალეობას ასრულებდა და მიმდინარე სამაშველო სამუშაოების დროს, სავარაუდოდ, გულის შეტევით გარდაიცვალა.
თავდაცვის სამინისტრო კიდევ ერთხელ გამოხატავს მწუხარებას თემურ ხარჩილავას გარდაცვალების გამო, თანაუგრძნობს გარდაცვლილის ოჯახს, ახლობლებსა და თანამშრომლებს,”- ნათქვამია განცხადებაში.
