ირაკლი ჩიქოვანი: სტატუსთან დაკავშირებული გადაწყვეტილება მხოლოდ 12 რეკომენდაციაზე არ იქნება დამოკიდებული – ვხედავთ, რომ რეალურად არის დანახული პროგრესი, რომელსაც ჩვენ ვაჩვენებთ
ზუგდიდის მაჟორიტარმა დეპუტატმა და ფრაქცია „ქართული ოცნების“ თავმჯდომარის მოადგილე ირაკლი ჩიქოვანი არ ეთანხმება ევროპელი პოლიტიკოსების მოსაზრებას, რომ საქართველოს ხელისუფლებას ანტიდასავლური რიტორიკა აქვს. ამის შესახებ პოლიტიკოსმა გადაცემაში „იმედი LIVE“ ისაუბრა.
„ვერავინ მომიყვანს ვერცერთ ციტატას, სადაც ჩვენი პოლიტიკური ძალის ლიდერები რაიმეს ანტიდასავლურს ამბობენ, მაგრამ თუ ჩვენი პოლიტიკური ძალის ლიდერები კითხვას სვამენ ზოგიერთი პოლიტიკოსების მიერ მიღებულ გადაწყვეტილებებზე, ეს ჩვენი ლეგიტიმური უფლებაა. ეს არ უნდა იყოს აღქმული როგორც ანტიდასავლური განცხადებები. არ უნდა აღიქვამდეს ნებისმიერი ევროპელი პოლიტიკოსი, რომლის მოსაზრებითაც ბიძინა ივანიშვილი არის ამ ქვეყნის პრობლემა, ხოლო დავით კეზერაშვილი ამ ქვეყნის კეთილი მომავალი. არ უნდა აღიქვამდეს, რომ ამას რომ გავაკრიტიკებთ, ეს არის ინსტიტუციის დაზიანება, ევროპარლამენტს ვგულისხმობ ამ შემთხვევაში. ეს მარტო ჩვენი აღქმა არ არის, ეს არის მილიონობით საქართველოს მოქალაქის აღქმა. წარმოუდგენელია ევროპული ქალაქებიდან არჩეულ დეპუტატებს უკეთესი წარმოდგენა ჰქონდეთ პირობითად, თუ რა ხდება ზუგდიდში, გურჯაანში, ან ლაგოდეხში. პრობლემა მდგომარეობს იმაში, რომ ჯერაც კი ბევრ ევროპელ პოლიტიკოსს აქვს მცდარი და არასწორი შეფასება იმისა, თუ რა ხდებოდა ქვეყანაში 2012 წლამდე და სამწუხაროდ, ამის ფონზე უჭირთ იმ პროგრესის დანახვა, რომელიც 2012 წლის შემდგომ არის“, – განაცხადა ჩიქოვანმა.
მსგავსი სიახლეები
ირაკლი ღარიბაშვილი: ვხედავთ, რომ საკმაოდ ბევრ მოქალაქე არის ჩართული სათამაშო ბიზნესში. მივიღეთ გადაწყვეტილება, რომ გავუზარდოთ გადასახადები ამ ბიზნესს
ირაკლი ჩიქოვანი: ჩვენ ველოდებით, რომ ნატოს სამიტზე ტერიტორიულ მთლიანობასთან დაკავშირებით იქნება განცხადება, ველოდებით შეფასებას, რომ დღეს გვაქვს თანამშრომლობის პოზიტიური და დადებითი დინამიკა
