ინგლისის თასი „მანჩესტერ სიტიმ“ მოიგო
03.06.2023 / 3 ივნისი 2023
ინგლისის თასის გამარჯვებული „მანჩესტერ სიტი“ გახდა. გადამწყვეტ თამაშში ის „მანჩესტერ იუნაიტედს“ დაუპირისპირდა და ანგარიშით 2:1 დაამარცხა.
ანგარიში შეხვედრის მე-12 წამზე ილქაი გიუნდოგანმა გახსნა და „მანჩესტერ სიტი“ დააწინაურა. ეს ინგლისის თასის ფინალების ისტორიაში ყველაზე სწრაფი გოლი იყო.
33-ე წუთზე ბრუნო ფერნანდეშმა ანგარიში პენალტით გაათანაბრა, გადამწყვეტი გოლი კი კვლავ გიუნდოგანმა გაიტანა. „მანჩესტერ სიტი“ ინგლისის თასის მფლობელი მეშვიდედ გახდა.
