ოპოზიციამ, ვერც ერთ ოლქში, ვერც ერთ დონეზე ჩასატარებელ არჩევნებში კონკურენტის დაყენება ვერ გაბედა- არ მგონია, რომ ვითარება შეიცვალოს 2024 წლამდე – მიხეილ სარჯველაძე
ხვალ, შუალედური და რიგგარეშე არჩევნები გაიმართება- ამომრჩევლები აირჩევენ პარლამენტის ფოთი – სენაკი – ხობის მაჟორიტარ დეპუტატს, გურჯაანის, თიანეთის, ახალციხის, ტყიბულის, ქუთაისის საკრებულოების მაჟორიტარ დეპუტატებს, ასევე ცაგერის და თერჯოლის მერებს.
როგორც პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე აცხადებს, ხელისუფლების ოპონენტებმა საკუთარი კანდიდატურის დაყენება ვერ გაბედეს.
მიხეილ სარჯველაძე ამბობს იმასაც, რომ 2024 წლის არჩევნებზეც ძალიან კარგი მაჩვენებელი იქნება.
“ვინმეს, ერთგან მაინც ოლქში დაეყენებინა ოპოზიციური კანდიდატი და დაეჭირათ მხარი, ვნახავდით, როგორი იქნებოდა შთაბეჭდილება და ძალიან კარგი შესაძლებლობა, მიუხედავად იმისა, რომ კონკურენტის დაყენება ვერ გაბედა ოპოზიციამ, ვერც ერთ ოლქში, ვერც ერთ დონეზე ჩასატარებელ არჩევნებში, მაინც კარგი მაჩვენებელია. იმიტომ, რომ საზოგადოება დაინახავს, თუ როგორია მხარდაჭერა, მათ შორის იმ ოლქებში და ეს შეიძლება იყოს განზოგადება მთლიანად საქართველოსთან მიმართებაში, არ მგონია, რომ ვითარება შეიცვალოს 2024 წლამდე. 2024 წელსაც ძალიან კარგი მაჩვენებელი იქნება,”-განაცხადა სარჯველაძემ.
მსგავსი სიახლეები
სალომე ზურაბიშვილი – დღეს საუბრობენ, რომ ქართული ენა არ ვიცი, მაგრამ არ ახსოვთ, რომ ლავროვს ქართულად ველაპარაკე
ტრამპმა განაცხადა, რომ არჩევნებში გამარჯვების შემთხვევაში, უკრაინაში ამერიკულ ჯარს არ გაგზავნის
