სენაკის მერმა, ღვაწლმოსილ ექიმ-პედიატრს, დარეჯან თოლორდავას, სენაკის საპატიო მოქალაქის წოდება მიანიჭა
10.03.2023 / 10 მარტი 2023
სენაკის მუნიციპალიტეტის მერმა, ვახტანგ გადელიამ, ღვაწლმოსილ სენაკელ ქალბატონს, დამსახურებულ ექიმ-პედიატრს, დარეჯან სორდია- თოლორდავას – ხანგრძლივი, ნაყოფიერი პროფესიული მოღვაწეობის, მედიცინის სფეროსა და საზოგადოებრივ საქმიანობაში შეტანილი წვლილისთვის, სენაკის საპატიო მოქალაქის წოდება მიანიჭა.
მუნიციპალიტეტის მერმა, საპატიო მოქალაქის სიგელი დარეჯან თოლორდავას ვაჟს, ღირსეულ სენაკელს, ანსამბლ ,,შვიდკაცას” წევრს, ლევან თოლორდავას გადასცა.
,,ქალბატონი დარეჯანის განვლილი ცხოვრება და გამორჩეული ღვაწლი მნიშვნელოვანია. გულითადად ვულოცავ დამსახურებულ წოდებას. დღეგრძელ სიცოცხლეს ვუსურვებ” – აღნიშნა ვახტანგ გადელიამ.
