Twitter-მა ვერიფიცირების დამადასტურებელი ლურჯი სიმბოლოების 8 დოლარად გაყიდვა შეაჩერა
სოციალურმა ქსელმა Twitter-მა შეაჩერა თვეში 8 დოლარად ლურჯი სიმბოლოების გაყიდვა, რომელიც პრემიუმ-ანგარიშების ვერიფიცირების ნიშანს წარმოადგენდა. Reuters-ის ცნობით, ასეთი გადაწყვეტილების მიზეზი Twitter-ზე ყალბი ანგარიშების რაოდენობის ზრდა გახდა.
კერძოდ, სიახლის დანერგვის შემდეგ Twitter-ზე გაჩნდა ილონ მასკის კომპანიების, Tesla-სა და SpaceX-ის ყალბი ანგარიშები, სათამაშო ონლაინ-პლატფორმა Roblox-ის, კორპორაცია Nestle-ს, სამხედრო-სამრეწველო კორპორაცია Lockheed Martin-ისა და ბევრი სხვა კომპანიის ყალბი ანგარიშები. მედიკამენტების მწარმოებელ კომპანია Eli Lilly and Company-ს მოუწია ბოდიშის მოხდა გამომწერებისთვის უფასო ინსულინის შესახებ შეტყობინების გამო, რომელიც ყალბი ანგარიშის გვერდზე გამოქვეყნდა.
სოციალური ქსელის შეძენის შემდეგ ილონ მასკმა Twitter-ის თანამშრომელთა 50% სამსახურიდან გაათავისუფლა და განაცხადა, რომ ეს აუცილებელი ნაბიჯი იყო, ვინაიდან Twitter-ი ყოველდღიურად 4 მილიონ დოლარზე მეტს კარგავდა.
მსგავსი სიახლეები
ირაკლი ჩიქოვანი: „ქართული ოცნების“ არჩევის შემდგომ 8 წელი არის მშვიდობიანი განვითარების 8 წელი
GORBI: კითხვაზე: ადგილობრივი არჩევნები ამ კვირას რომ ტარდებოდეს, ვის მისცემდით ხმას ზუგდიდში, შედეგები ასე გადანაწილდა – „ქართულ ოცნებას“ მხარს უჭერს გამოკითხულთა 70,8 %, „ძლიერ საქართველო ლელოს “ – 10,8%
